 |
|
Ready Reckoner |
 |
dēvyuvāca
dēvadēva mahādēva trikālajña mahēśvara
karuṇākara dēvēśa bhaktānugrahakāraka
aṣṭōttaraśataṃ lakṣmyāḥ śrōtumicchāmi tatvataḥ
|
īśvara uvāca
dēvi sādhu mahābhāgē mahābhāgyapradāyakam
sarvaiśvaryakaraṃ puṇyaṃ sarvapāpapraṇāśanam
|
sarvadāridryaśamanaṃ śravaṇād bhuktimuktidam
rājavaśyakaraṃ divyaṃ guhyād guhyataraṃ param
|
durlabhaṃ sarvadēvānāṃ catuṣṣaṣṭi kalāspadam
padmādīnāṃ varāntānāṃ nidhīnāṃ nityadāyakam
|
samasta dēvasaṃsēvyaṃ aṇimādyaṣṭasiddhidam
kimatra bahunōktēna dēvīpratyakṣadāyakam
|
tava prītyā’dya vakṣyāmi samāhitamanāḥ śṛṇu
aṣṭōttaraśatasyāsya mahālakṣmīstu dēvatā
|
klīṃ bījapadamityuktaṃ śaktistu bhuvanēśvarī
aṅganyāsaḥ karanyāsaḥ sa ityādi prakīrtitaḥ
|
dhyānam
vandē padmakarāṃ prasannavadanāṃ
saubhāgyadāṃ bhāgyadāṃ
hastābhyām abhayapradāṃ maṇigaṇaiḥ
nānāvidhaiḥ bhūṣitām
bhaktābhīṣṭaphalapradāṃ harihara –
brahmādibhiḥ sēvitāṃ
pārśvē paṅkaja śaṅkha padmanidhibhi –
ryuktāṃ sadā śaktibhiḥ
|
sarasijanayanē sarōjahastē
dhavalatarāṃśuka gandhamālyaśōbhē
bhagavati harivallabhē manōjñē
tribhuvana bhūtikari prasīda mahyam
|
prakṛtiṃ vikṛtiṃ vidyāṃ sarvabhūtahitapradām
śraddhāṃ vibhūtiṃ surabhiṃ namāmi paramātmikām
|
vācaṃ padmālayāṃ padmāṃ śuciṃ svāhāṃ svadhāṃ sudhām
dhanyāṃ hiraṇmayīṃ lakṣmīṃ nityapuṣṭāṃ vibhāvarīm
|
aditiṃ ca ditiṃ dīptāṃ vasudhāṃ vasudhāriṇīm
namāmi kamalāṃ kāntāṃ kṣamāṃ kṣīrōdasaṃbhavām
|
anugrahapradāṃ buddhimanaghāṃ harivallabhām
aśōkāṃ amṛtāṃ dīptāṃ lōka śōka vināśinīm
|
namāmi dharmanilayāṃ karuṇāṃ lōkamātaram
padmapriyāṃ padmahastāṃ padmākṣīṃ padmasundarīm
|
padmōdbhavāṃ padmamukhīṃ padmanābhapriyāṃ ramām
padmamālādharāṃ dēvīṃ padminīṃ padmagandhinīm
|
puṇyagandhāṃ suprasannāṃ prasādābhimukhīṃ prabhām
namāmi candravadanāṃ candrāṃ candrasahōdarīm
|
caturbhujāṃ candrarūpām indirām induśītalām
āhlādajananīṃ puṣṭiṃ śivāṃ śivakarīṃ satīm
|
vimalāṃ viśvajananīṃ tuṣṭiṃ dāridryanāśinīm
prītipuṣkariṇīṃ śāntāṃ śuklamālyāṃbarāṃ śriyam
|
bhāskarīṃ bilvanilayāṃ varārōhāṃ yaśasvinīm
vasundharāṃ udārāṅgāṃ hariṇīṃ hēmamālinīm
|
dhanadhānyakarīṃ siddhiṃ straiṇasaumyāṃ śubhapradām
nṛpavēśmagatānandāṃ varalakṣmīṃ vasupradām
|
śubhāṃ hiraṇyaprākārāṃ samudratanayāṃ jayām
namāmi maṅgaḻāṃ dēvīṃ viṣṇuvakṣaḥsthalasthitām
|
viṣṇupatnīṃ prasannākṣīṃ nārāyaṇa samāśritām
dāridryadhvaṃsinīṃ dēvīṃ sarvōpadravavāriṇīm
|
navadurgāṃ mahākāḻīṃ brahmaviṣṇuśivātmikām
trikālajñānasaṃpannāṃ namāmi bhuvanēśvarīm
|
lakṣmīṃ kṣīrasamudrarājatanayāṃ
śrīraṅgadhāmēśvarīṃ
dāsībhūta samasta dēvavanitāṃ
lōkaika dīpāṅkurām
śrīmanmandakaṭākṣa labdha vibhava
brahmēndra gaṅgādharāṃ
tvāṃ trailōkya kuṭuṃbinīṃ sarasijāṃ
vandē mukundapriyām
|
mātarnamāmi kamalē kamalāyatākṣi
śrīviṣṇuhṛtkamalavāsini viśvamātaḥ
kṣīrōdajē kamalakōmalagarbhagauri
lakṣmi prasīda satataṃ namatāṃ śaraṇyē
|
phalaśrutiḥ
trikālaṃ yō japēdvidvān ṣaṇmāsaṃ vijitēndriyaḥ
dāridryadhvaṃsanaṃ kṛtvā sarvamāpnōti yatnataḥ
|
dēvīnāmasahasrēṣu puṇyam aṣṭōttaraṃ śatam
yēna śriyamavāpnōti kōṭijanmadaridrataḥ
|
bhṛguvārē śataṃ dhīmān paṭhēdvatsaramātrakam
aṣṭaiśvaryamavāpnōti kubēra iva bhūtalē
|
dāridryamōcanaṃ nāma stōtramaṃbāparaṃ śatam
yēna śriyamavāpnōti kōṭijanmadaridrataḥ
bhuktvā tu vipulānbhōgānasyāḥ sāyujyamāpnuyāt
|
prātaḥkālē paṭhēnnityaṃ sarvaduḥkhōpaśāntayē
paṭhaṃstu cintayēddēvīṃ sarvābharaṇabhūṣitām
|
Jaya Lakshmeem Jaya Lakshmeem Jaya Lakshmeem Pahimam
Jaya Lakshmeem Jaya Lakshmeem Jaya Lakshmeem Rakshamam
|
Please leave your valuable suggestions and feedback here