Narayaneeyam-17-TA

ஸ்ரீமன் நாராயணீயம் – 17 ( ஸப்தத³ஶம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் ஸப்தத³ஶம் த³ஶகம்

த்⁴ருவசரித வர்ணனம்

உத்தானபாத³ன்ருபதேர்மனுனந்த³னஸ்ய

ஜாயா ப³பூ⁴வ ஸுருசிர்னிதராமபீ⁴ஷ்டா

அன்யா ஸுனீதிரிதி ப⁴ர்துரனாத்³ருதா ஸா

த்வாமேவ நித்யமக³தி꞉ ஶரணம் க³தா(அ)பூ⁴த்

அங்கே பிது꞉ ஸுருசிபுத்ரகமுத்தமம் தம்

த்³ருஷ்ட்வா த்⁴ருவ꞉ கில ஸுனீதிஸுதோ(அ)தி⁴ரோக்ஷ்யன்

ஆசிக்ஷிபே கில ஶிஶு꞉ ஸுதராம் ஸுருச்யா

து³ஸ்ஸந்த்யஜா க²லு ப⁴வத்³விமுகை²ரஸூயா

த்வன்மோஹிதே பிதரி பஶ்யதி தா³ரவஶ்யே

தூ³ரம் து³ருக்தினிஹத꞉ ஸ க³தோ நிஜாம்பா³ம்

ஸா(அ)பி ஸ்வகர்மக³திஸந்தரணாய பும்ஸாம்

த்வத்பாத³மேவ ஶரணம் ஶிஶவே ஶஶம்ஸ

ஆகர்ண்ய ஸோ(அ)பி ப⁴வத³ர்சனநிஶ்சிதாத்மா

மானீ நிரேத்ய நக³ராத்கில பஞ்சவர்ஷ꞉

ஸந்த்³ருஷ்டனாரத³னிவேதி³தமந்த்ரமார்க³-

ஸ்த்வாமாரராத⁴ தபஸா மது⁴கானநாந்தே

தாதே விஷண்ணஹ்ருத³யே நக³ரீம் க³தேன

ஶ்ரீனாரதே³ன பரிஸாந்த்விதசித்தவ்ருத்தௌ

பா³லஸ்த்வத³ர்பிதமனா꞉ க்ரமவர்தி⁴தேன

நின்யே கடோ²ரதபஸா கில பஞ்ச மாஸான்

தாவத்தபோப³லனிருச்ச்²வஸிதே தி³க³ந்தே

தே³வார்தி²தஸ்த்வமுத³யத்கருணார்த்³ரசேதா꞉

த்வத்³ரூபசித்³ரஸனிலீனமதே꞉ புரஸ்தா-

தா³விர்ப³பூ⁴வித² விபோ⁴ க³ருடா³தி⁴ரூட⁴꞉

த்வத்³த³ர்ஶனப்ரமத³பா⁴ரதரங்கி³தம் தம்

த்³ருக்³ப்⁴யாம் நிமக்³னமிவ ரூபரஸாயனே தே

துஷ்டூஷமாணமவக³ம்ய கபோலதே³ஶே

ஸம்ஸ்ப்ருஷ்டவானஸி த³ரேண ததா²(ஆ)த³ரேண

தாவத்³விபோ³த⁴விமலம் ப்ரணுவந்தமேன-

மாபா⁴ஷதா²ஸ்த்வமவக³ம்ய ததீ³யபா⁴வம்

ராஜ்யம் சிரம் ஸமனுபூ⁴ய ப⁴ஜஸ்வ பூ⁴ய꞉

ஸர்வோத்தரம் த்⁴ருவ பத³ம் வினிவ்ருத்திஹீனம்

இத்யூசிஷி த்வயி க³தே ந்ருபனந்த³னோ(அ)ஸா-

வானந்தி³தாகி²லஜனோ நக³ரீமுபேத꞉

ரேமே சிரம் ப⁴வத³னுக்³ரஹபூர்ணகாம-

ஸ்தாதே க³தே ச வனமாத்³ருதராஜ்யபா⁴ர꞉

யக்ஷேண தே³வ நிஹதே புனருத்தமே(அ)ஸ்மின்

யக்ஷை꞉ ஸ யுத்³த⁴னிரதோ விரதோ மனூக்த்யா

ஶாந்த்யா ப்ரஸன்னஹ்ருத³யாத்³த⁴னதா³து³பேதா-

த்த்வத்³ப⁴க்திமேவ ஸுத்³ருடா⁴மவ்ருணோன்மஹாத்மா

அந்தே ப⁴வத்புருஷனீதவிமானயாதோ

மாத்ரா ஸமம் த்⁴ருவபதே³ முதி³தோ(அ)யமாஸ்தே

ஏவம் ஸ்வப்⁴ருத்யஜனபாலனலோலதீ⁴ஸ்த்வம்

வாதாலயாதி⁴ப நிருந்தி⁴ மமாமயௌகா⁴ன்

அத்த ஸ்ரீமன் நாராயணீயே

ஸப்தத³ஶம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா

ஸ்ரீ கிருஷ்ணார்பணமஸ்து