ஆநிரை மேய்த்தன் றலைகட லடைத்திட்டு அரக்கர்தம் சிரங்களை யுருட்டி ^*

கார்நிறை மேகம் கலந்தோ ருருவக் கண்ணனார் கருதிய கோயில் ^*

பூநீரைச் செருந்தி புன்னைமுத் தரும்பிப் பொதும்பிடை வரிவண்டு மிண்டி ^*

தேனிரைத் துண்டங் கின்னிசை முரலும் திருவெள்ளி யங்குடி யதுவே

கடுவிடமுடைய காளியன் தடத்தைக் கலக்கிமுன் னலக்கழித்து ^* அவன்றன்

படமிறப் பாய்ந்து பன்மணி சிந்தப் பல்நடம் பயின்றவன் கோயில் ^*

படவர வல்குல் பாவைநல் லார்கள் பயிற்றிய நாடகத் தொலிபோய் ^*

அடைபுடை தழுவி யண்டநின் றதிரும் திருவெள்ளி யங்குடி யதுவே

---

4   திருமங்கையாழ்வார் – பெரிய திருமொழி – 4.10.4

கறவைமுன் காத்துக் கஞ்சனைக் காய்த்த காளமே கத்திரு வுருவன் ^*

பறவைமுன் னுயர்த்துப் பாற்கடல் துயின்ற பரமனார் பள்ளிகொள் கோயில் ^*

துறைதுறை தோறும் பொன்மணி சிதறும் தொகுதிரை மண்ணியின் தென்பால் ^*

செறிமணி மாடக் கொடிகதி ரணவும்  திருவெள்ளி யங்குடி யதுவே

---

5   திருமங்கையாழ்வார் – பெரிய திருமொழி – 4.10.5

பாரினை யுண்டு பாரினை யுமிழ்ந்து பாரதம் கையெறிந்து ^* ஒருகால்

தேரினை யூர்ந்து தேரினைத் துரந்த செங்கண்மால் சென்றுறை கோயில் ^*

ஏர்நிரை வயளுள் வாளைகள் மறுகி எமக்கிட மன்றிதென் றெண்ணி ^*

சீர்மலி பொய்கை சென்றணை கின்ற  திருவெள்ளி யங்குடி யதுவே

---

6   திருமங்கையாழ்வார் – பெரிய திருமொழி – 4.10.6

காற்றிடைப் பூளை கரந்தன அரந்தை உறக்கட லரக்கர்தம் சேனை ^*

கூற்றிடைச் செல்லக் கொடுங்கணை துரந்த கோலவில் இராமன் தன்கோயில் ^*

ஊற்றிடை நின்ற வாழையின் கனிகள் ஊழ்த்துவீழ்ந் தனவுண்டு மண்டி ^*

சேற்றிடைக் கயல்க ளு ள்திகழ் வயல்சூழ் திருவெள்ளி யங்குடி யதுவே

---

7   திருமங்கையாழ்வார் – பெரிய திருமொழி – 4.10.7

ஓள்ளிய கருமம் செய்வனென் றுணர்ந்த மாவலி வேள்வியில் புக்கு ^*

தெள்ளிய குறளாய் மூவடி கொண்டு திக்குற வளர்ந்தவன் கோயில் ^*

அள்ளியம் பொழில்வா யிருந்துவாழ் குயில்கள் அரியரி யென்றவை யழைப்ப ^*

வெள்ளியார் வணங்க விரைந்தரு ள் செய்வான் திருவெள்ளி யங்குடி யதுவே

---

8   திருமங்கையாழ்வார் – பெரிய திருமொழி – 4.10.8

முடியுடை யமரர்க் கிடர்செயு மசுரர் தம்பெரு மானை ^* அன் றரியாய்

மடியிடை வைத்து மார்வைமுன் கீண்ட மாயனார் மன்னிய கோயில் ^*

படியிடை மாடத் தடியிடைத் தூணில் பதித்தபன் மணிகளி னொளியால் ^*

விடிபக லிரவென் றறிவரி தாய திருவெள்ளி யங்குடி யதுவே

---

9   திருமங்கையாழ்வார் – பெரிய திருமொழி – 4.10.9

குடிகுடி யாகக் கூடிநின் றமரர் குணங்களே பிதற்றிநின் றேத்த ^*

அடியவர்க் கருளி யரவணைத் துயின்ற ஆழியா நமர்ந்துறை கோயில் ^*

கடியுடைக் கமலம் அடியிடை மலரக் கரும்பொடு பெருஞ்செந்நெ லசைய ^*

வடிவுடை யன்னம் பெடையொடும் சேரும்  வயல்வெள்ளி யங்குடி யதுவே

---

10   திருமங்கையாழ்வார் – பெரிய திருமொழி – 4.10.10

^** பண்டுமுன் ஏன மாகியன் றொருகால், பாரிடந் தெயிற்றினில் கொண்டு ^*

தெண்டிரை வருடப் பாற்கடல் துயின்ற திருவெள்ளி யங்குடி யானை ^*

வண்டறை சோலை மங்கையர் தலைவன் மானவேல் கலியன்வா யொலிகள் ^*

கொண்டிவை பாடும் தவமுடையார்கள்  ஆள்வரிக் குரைகட லுலகே

---