Thirukkoodaloor ( Sri Aaduthurai Perumal Temple )

Azhwar	Paasuram	Count	Video	Audio
திருமங்கையாழ்வார்	பெரிய திருமொழி	10
Total		10

1 திருமங்கையாழ்வார் – பெரிய திருமொழி – 5.2.1

^** தாம்தம் பெருமை யறியார்^* தூது

வேந்தர்க் காய வேந்த ரூர்போல்^*

காந்தள் விரல்மென் கலைநன் மடவார்^*

கூந்தல் கமழும் கூட லூரே







2   திருமங்கையாழ்வார் – பெரிய திருமொழி – 5.2.2

செறும்திண் திமிலே றுடைய ^* பின்னை

பெறும்தண் கோலம் பெற்றா ரூர்ப்போல்^*

நறுந்தண் தீம்தே னுண்ட வண்டு^*

குறிஞ்சி பாடும் கூட லூரே







3   திருமங்கையாழ்வார் – பெரிய திருமொழி – 5.2.3

பிள்ளை யுருவாய்த் தயிருண்டு^* அடியேன்

உள்ளம் புகுந்த வொருவ ரூர்போல்^*

கள்ள நாரை வயலுள்^* கயல்மீன்

கொள்ளை கொள்ளும் கூட லூரே







4   திருமங்கையாழ்வார் – பெரிய திருமொழி – 5.2.4

கூற்றே ருருவின் குறளாய்^* நிலநீர்

ஏற்றா னெந்தை பெருமா னூர்போல்^*

சேற்றே ருழுவர் கோதைப் போதூண்^*

கோல்தேன் முரலும் கூட லூரே







5   திருமங்கையாழ்வார் – பெரிய திருமொழி – 5.2.5

தொண்டர் பரவச் சுடர்சென் றணவ^*

அண்டத் தமரும் அடிக ளூர்போல்^*

வண்ட லலையுள் கெண்டை மிளிர^*

கொண்ட லதிரும் கூட லூரே







6   திருமங்கையாழ்வார் – பெரிய திருமொழி – 5.2.6

தக்கன் வேள்வி தகர்த்த தலைவன்^*

துக்கம் துடைத்த துணைவ ரூர்போல்^*

எக்க லிடுநுண் மணல்மேல்^* எங்கும்

கொக்கின் பழம்வீழ் கூட லூரே







7   திருமங்கையாழ்வார் – பெரிய திருமொழி – 5.2.7

கருந்தண் கடலும் மலையு முலகும்^*

அருந்தும் அடிகள் அமரு மூர்போல்^*

பெருந்தண் முல்லைப் பிள்ளை யோடி^*

குருந்தம் தழுவும் கூட லூரே







8   திருமங்கையாழ்வார் – பெரிய திருமொழி – 5.2.8

கலைவாழ் பிணையோ டணையும்^* திருநீர்

மலைவா ழெந்தை மருவு மூர்போல்^*

இலைதாழ் தெங்கின் மேல்நின்று^*

இளநீர்க் குலைதாழ் கிடங்கின் கூட லூரே







9   திருமங்கையாழ்வார் – பெரிய திருமொழி – 5.2.9

பெருகு காத லடியேன் உள்ளம்^*

உருகப் புகுந்த வொருவ ரூர்போல்^*

அருகு கைதை மலர^* கெண்டை

குருகென் றஞ்சும் கூட லூரே







10   திருமங்கையாழ்வார் – பெரிய திருமொழி – 5.2.10

^** காவிப் பெருநீர் வண்ணன்^* கண்ணன்

மேவித் திகழும் கூட லூர்மேல்^*

கோவைத் தமிழால் கலியன் சொன்ன^*

பாவைப் பாடப் பாவம் போமே