Thiruvanvandoor ( Sri Paambanaiyappa Perumal Temple )

Azhwar	Paasuram	Count
நம்மாழ்வார்	திருவாய்மொழி	11
Total		11

1 நம்மாழ்வார் – திருவாய்மொழி – 6.1.1

^** வைகல்பூங் கழிவாய் வந்து மேயும் குருகினங்காள்^*

செய்கொள் செந்நெ லுயர்திருவண்வண் டூருறையும்^*

கைகொள் சக்கரத் தென்கனி வாய்பெரு மானைக்கண்டு^*

கைகள் கூப்பிச் சொல்லீர் வினையாட்டியேன் காதன்மையே

2   நம்மாழ்வார் – திருவாய்மொழி – 6.1.2

காதல் மென்பெடை யோடுடன் மேயும் கருநாராய்^*

வேத வேள்வி யொலிமுழங்கும் தண் டிருவண்வண்டூர்^*

நாதன் ஞாலமெல் லாமுண்ட நம்பெரு மானைக்கண்டு^*

பாதம் கைதொழுது பணியீ ரடியேன் திறமே

3   நம்மாழ்வார் – திருவாய்மொழி – 6.1.3

திறங்க ளாகியெங் கும்செய்களூடுழல் புள்ளினங்காள்^*

சிறந்த செல்வம் மல்கு திருவண்வண் டூருறையும்^*

கறங்கு சக்கரக் கைக்கனி வாய்ப்பெரு மானைக்கண்டு^*

இறங்கி நீர்தொழுது பணியீரடியே னிடரே

4   நம்மாழ்வார் – திருவாய்மொழி – 6.1.4

இடரில் போகம் மூழ்கி யிணைந்தாடும் மடவன்னங்காள்^*

விடலில் வேத வொலிமுழங்கும்தண் திருவண்வண்டூர்^*

கடலில் மேனிப் பிரான்கண் ணணைநெடு மாலைக்கண்டு^*

உடலம் நைந்தொருத் தியுரு கும் என் றுணர்த்துமினே

5   நம்மாழ்வார் – திருவாய்மொழி – 6.1.5

உணர்த்த லூட லுணர்ந்துடன் மேயும் மடவன்னங்காள்^*

திணர்த்த வண்டல்கள் மேல்சங்கு சேரும் திருவண்வண்டூர்^*

புணர்த்த பூந்தண் டுழாய்முடி நம்பெரு மானைக்கண்டு^*

புணர்த்த கையினரா யடியேனுக்கும் போற்றுமினே

6   நம்மாழ்வார் – திருவாய்மொழி – 6.1.6

போற்றியான் இரந் தேன்புன்னை மேலுறை பூங்குயில் காள்^*

சேற்றில் வாளை துள்ளும் திருவண்வண் டூருறையும்^*

ஆற்ற லாழியங் கையம ரர்பெரு மானைக்கண்டு^*

மாற்றங் கொண்டரு ளீர்மையல் தீர்வ தொருவண்ணமே

7   நம்மாழ்வார் – திருவாய்மொழி – 6.1.7

ஒருவண்ணம்சென்று புக்கெனக்கு ஒன்றுரை யொண்கிளியே^*

செருவொண் பூம்பொழில் சூழ்செக்கர் வேலை திருவண்வண்டூர்^*

கருவண்ணம் செய்யவாய் செய்யகண் செய்யகை செய்யகால்^*

செருவொண் சக்கரம் சங்கடை யாளம் திருந்தக் கண்டே

8   நம்மாழ்வார் – திருவாய்மொழி – 6.1.8

திருந்தக் கண்டெனக் கொன்றுரை யாயொண் சிறுபூவாய்^*

செருந்தி ஞாழல் மகிழ்புன்னை சூழ்தண் டிருவண்வண்டூர்^*

பெருந்தண் தாமரைக் கண்பெரு நீண்முடி நாள்தடந்தோள்^*

கருந்திண் மாமுகில் போல்திரு மேனி யடிகளையே

9   நம்மாழ்வார் – திருவாய்மொழி – 6.1.9

அடிகள் கைதொழு தலர்மேல் அசையும் அன்னங்காள்^*

விடிவை சங்கொலிக் கும்திரு வண்வண் டூருறையும்^*

கடிய மாயன்தன் னைக்கண்ணனை நெடு மாலைக்கண்டு^*

கொடிய வல்வினை யேன்திறம் கூறுமின் வேறுகொண்டே

10   நம்மாழ்வார் – திருவாய்மொழி – 6.1.10

வேறு கொண்டும்மை யானிரந் தேன்வெறி வண்டினங்காள்^*

தேறு நீர்ப்பம் பைவட பாலைத் திருவண்வண்டூர்^*

மாறில் போரரக் கன்மதிள் நீறெழச் செற்றுகந்த^*

ஏறுசேவக னார்க்கென்னை யுமுளள் என்மின்களே

11   நம்மாழ்வார் – திருவாய்மொழி – 6.1.11

^** மின்கொள் சேர்புரி நூல்குற ளாயகல் ஞாலம்கொண்ட^*

வன்கள் வனடி மேல்குரு கூர்ச்சட கோபன்சொன்ன^*

பண்கொள் ஆயிரத் துள்ளிவை பத்தும் திருவண்வண்டூர்க்கு^*

இன்கொள் பாடல் வல்லார் மதனர்மின் னி டையவர்க்கே