Naarayaneeyam-10 ( Daśamaṃ dashakam )
Om Shri Krishnaaya Parabrahmane Namaha
Atha Sriman Naaraayaneeyam Daśamaṃ Dashakam
Sṛṣṭibhēdavarṇanam
 |
vaikuṇṭha vardhitabalō’tha bhavatprasādā –
dambhōjayōnirasṛjat kila jīvadēhān
sthāsnūni bhūruhamayāni tathā tiraścāṃ
jātīrmanuṣyanivahānapi dēvabhēdān
|
|
mithyāgrahāsmimatirāgavikōpabhīti –
rajñānavṛttimiti pañcavidhāṃ sa sṛṣṭvā
uddāmatāmasapadārthavidhānadūna –
stēnē tvadīyacaraṇasmaraṇaṃ viśuddhyai
|
|
tāvat sasarja manasā sanakaṃ sanandaṃ
bhūyassanātanamuniṃ ca sanatkumāram
tē sṛṣṭikarmaṇi tu tēna niyujyamānā
stvatpādabhaktirasikā jagṛhurna vāṇīm
|
|
tāvat prakōpamuditaṃ pratirundhatō’sya
bhrūmadhyatō’jani mṛḍō bhavadēkadēśaḥ
nāmāni mē kuru padāni ca hā viriñcē –
tyādau rurōda kila tēna sa rudranāmā
|
|
ēkādaśāhvayatayā ca vibhinnarūpaṃ
rudraṃ vidhāya dayitā vanitāśca datvā
tāvantyadatta ca padāni bhavatpraṇunnaḥ
prāha prajāviracanāya ca sādaraṃ tam
|
|
rudrābhisṛṣṭabhayadākṛtirudrasaṅgha –
sampūryamāṇabhuvanatrayabhītacētāḥ
mā mā prajāḥ sṛja tapaścara maṅgalāyē –
tyācaṣṭa taṃ kamalabhūrbhavadīritātmā
|
|
tasyātha sargarasikasya marīciratri –
statrāṅgirāḥ kratumuniḥ pulahaḥ pulastyaḥ
aṅgādajāyata bhṛguśca vasiṣṭhadakṣau
śrīnāradaśca bhagavān bhavadaṅghridāsaḥ
|
|
dharmādikānabhisṛjannatha kardamaṃ ca
vāṇīṃ vidhāya vidhiraṅgajasaṅkulō’bhūt
tvadbōdhitaissanakadakṣamukhaistanūjai –
rudbōdhitaśca virarāma tamō vimuñcan
|
|
vēdān purāṇanivahānapi sarvavidyāḥ
kurvan nijānanagaṇāccaturānanō’sau
putrēṣu tēṣu vinidhāya sa sargavṛddhi –
maprāpnuvaṃstava padāmbujamāśritō’bhūt
|
|
jānannupāyamatha dēhamajō vibhajya
strīpuṃsabhāvamabhajanmanutadvadhūbhyām
tābhyāṃ ca mānuṣakulāni vivardhayaṃstvaṃ
gōvinda mārutapurēśa nirundhi rōgān
|
|
Atha srimannaaraayaneeye daśamaṃ dashakam samaaptham
Shri Haraye namaha Ramaa Ramana Govinda Govindaa
Sri Krishnaarpanamasthu
|
|
|
Please leave your valuable suggestions and feedback here