Narayaneeyam-10-TA

ஸ்ரீமன் நாராயணீயம் – 10 ( த³ஶமம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் த³ஶமம் த³ஶகம்

ஸ்ருஷ்டிபே₄த₃ வர்ணனம்

வைகுண்ட² வர்தி⁴தப³லோ(அ)த² ப⁴வத்ப்ரஸாதா³-

த³ம்போ⁴ஜயோனிரஸ்ருஜத்கில ஜீவதே³ஹான்

ஸ்தா²ஸ்னூனி பூ⁴ருஹமயானி ததா² திரஶ்சாம்

ஜாதீர்மனுஷ்யனிவஹானபி தே³வபே⁴தா³ன்

மித்²யாக்³ரஹாஸ்மிமதிராக³விகோபபீ⁴தி-

ரஜ்ஞானவ்ருத்திமிதி பஞ்சவிதா⁴ம் ஸ ஸ்ருஷ்ட்வா

உத்³தா³மதாமஸபதா³ர்த²விதா⁴னதூ³ன-

ஸ்தேனே த்வதீ³யசரணஸ்மரணம் விஶுத்³த்⁴யை

தாவத்ஸஸர்ஜ மனஸா ஸனகம் ஸனந்த³ம்

பூ⁴யஸ்ஸனாதனமுனிம் ச ஸனத்குமாரம்

தே ஸ்ருஷ்டிகர்மணி து தேன நியுஜ்யமானா-

ஸ்த்வத்பாத³ப⁴க்திரஸிகா ஜக்³ருஹுர்ன வாணீம்

தாவத்ப்ரகோபமுதி³தம் ப்ரதிருந்த⁴தோ(அ)ஸ்ய

ப்⁴ரூமத்⁴யதோ(அ)ஜனி ம்ருடோ³ ப⁴வதே³கதே³ஶ꞉

நாமானி மே குரு பதா³னி ச ஹா விரிஞ்சே-

த்யாதௌ³ ருரோத³ கில தேன ஸ ருத்³ரனாமா

ஏகாத³ஶாஹ்வயதயா ச விபி⁴ன்னரூபம்

ருத்³ரம் விதா⁴ய த³யிதா வனிதாஶ்ச த³த்த்வா

தாவந்த்யத³த்த ச பதா³னி ப⁴வத்ப்ரணுன்ன꞉

ப்ராஹ ப்ரஜாவிரசனாய ச ஸாத³ரம் தம்

ருத்³ராபி⁴ஸ்ருஷ்டப⁴யதா³க்ருதிருத்³ரஸங்க⁴-

ஸம்பூர்யமாணாபு⁴வனத்ரயபீ⁴தசேதா꞉

மா மா ப்ரஜா꞉ ஸ்ருஜ தபஶ்சர மங்க³லாயே-

த்யாசஷ்ட தம் கமலபூ⁴ர்ப⁴வதீ³ரிதாத்மா

தஸ்யாத² ஸர்க³ரஸிகஸ்ய மரீசிரத்ரி-

ஸ்தத்ராங்கி³ரா꞉ க்ரதுமுனி꞉ புலஹ꞉ புலஸ்த்ய꞉

அங்கா³த³ஜாயத ப்⁴ருகு³ஶ்ச வஸிஷ்ட²த³க்ஷௌ

ஶ்ரீனாரத³ஶ்ச ப⁴க³வன் ப⁴வத³ங்க்⁴ரிதா³ஸ꞉

த⁴ர்மாதி³கானபி⁴ஸ்ருஜன்னத² கர்த³மம் ச

வாணீம் விதா⁴ய விதி⁴ரங்க³ஜஸங்குலோ(அ)பூ⁴த்

த்வத்³போ³தி⁴தை꞉ ஸனகத³க்ஷமுகை²ஸ்தனூஜை-

ருத்³போ³தி⁴தஶ்ச விரராம தமோ விமுஞ்சன்

வேதா³ன்புராணனிவஹானபி ஸர்வவித்³யா꞉

குர்வன்னிஜானநக³ணாச்சதுரானநோ(அ)ஸௌ

புத்ரேஷு தேஷு வினிதா⁴ய ஸ ஸர்க³வ்ருத்³தி⁴-

மப்ராப்னுவம்ஸ்தவ பதா³ம்பு³ஜமாஶ்ரிதோ(அ)பூ⁴த்

ஜானந்னுபாயமத² தே³ஹமஜோ விப⁴ஜ்ய

ஸ்த்ரீபும்ஸபா⁴வமப⁴ஜன்மனுதத்³வதூ⁴ப்⁴யாம்

தாப்⁴யாம் ச மானுஷகுலானி விவர்த⁴யம்ஸ்த்வம்

கோ³விந்த³ மாருதபுரேஶ நிருந்தி⁴ ரோகா³ன்

அத்த ஸ்ரீமன் நாராயணீயே

த³ஶமம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா

ஸ்ரீ கிருஷ்ணார்பணமஸ்து