Naarayaneeyam-12 ( Dvādaśaṃ dashakam )
Om Shri Krishnaaya Parabrahmane Namaha
Atha Sriman Naaraayaneeyam Dvādaśaṃ Dashakam
varāhāvatāra varṇanaṃ
bhūmi yuddharaṇa varṇanaṃ ca
 |
svāyambhuvō manurathō janasargaśīlō
dṛṣṭvā mahīmasamayē salilē nimagnām
sraṣṭāramāpa śaraṇaṃ bhavadaṅghrisēvā –
tuṣṭāśayaṃ munijanaiḥ saha satyalōkē
|
kaṣṭaṃ prajāḥ sṛjati mayyavanirnimagnā
sthānaṃ sarōjabhava kalpaya tatprajānām
ityēvamēṣa kathitō manunā svayambhū –
rambhōruhākṣa tava pādayugaṃ vyacintīt
|
hā hā vibhō jalamahaṃ nyapibaṃ purastā –
dadyāpi majjati mahī kimahaṃ karōmi
itthaṃ tvadaṅghriyugalaṃ śaraṇaṃ yatō’sya
nāsāpuṭāt samabhavaḥ śiśukōlarūpī
|
aṅguṣṭhamātravapurutpatitaḥ purastāt
bhūyō’tha kumbhisadṛśaḥ samajṛmbhathāstvam
abhrē tathāvidhamudīkṣya bhavantamuccai –
rvismēratāṃ vidhiragāt saha sūnubhiḥ svaiḥ
|
kō’sāvacintyamahimā kiṭirutthitō mē
nāsāpuṭāt kimu bhavēdajitasya māyā
itthaṃ vicintayati dhātari śailamātraḥ
sadyō bhavan kila jagarjitha ghōraghōram
|
taṃ tē ninādamupakarṇya janastapaḥsthāḥ
satyasthitāśca munayō nunuvurbhavantam
tatstōtraharṣulamanāḥ pariṇadya bhūya –
stōyāśayaṃ vipulamūrtiravātarastvam
|
ūrdhvaprasāriparidhūmravidhūtarōmā
prōtkṣiptavāladhiravāṅmukhaghōraghōṇaḥ
tūrṇapradīrṇajaladaḥ parighūrṇadakṣṇā
stōtṝn munīn śiśirayannavatēritha tvam
|
antarjalaṃ tadanusaṅkulanakracakraṃ
bhrāmyattimiṅgilakulaṃ kaluṣōrmimālam
āviśya bhīṣaṇaravēṇa rasātalasthā –
nākampayan vasumatīmagavēṣayastvam
|
dṛṣṭvā’tha daityahatakēna rasātalāntē
saṃvēśitāṃ jhaṭiti kūṭakiṭirvibhō tvam
āpātukānavigaṇayya surārikhēṭān
daṃṣṭrāṅkurēṇa vasudhāmadadhāḥ salīlam
|
abhyuddharannatha dharāṃ daśanāgralagna –
mustāṅkurāṅkita ivādhikapīvarātmā
uddhūtaghōrasalilājjaladhērudañcan
krīḍāvarāhavapurīśvara pāhi rōgāt
|
Om tatsadhithi srimannaaraayaneeye
dvādaśaṃ dashakam samaaptham
Shri Haraye namaha Ramaa Ramana Govinda Govindaa
Sri Krishnaarpanamasthu
|
|
Please leave your valuable suggestions and feedback here