Narayaneeyam-12-TA

ஸ்ரீமன் நாராயணீயம் – 12 ( த்³வாத³ஶம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் த்³வாத³ஶம் த³ஶகம்

வராஹாவதார வர்ணனம்

பூ₄மி யுத்₃த₄ரண வர்ணனம் ச

ஸ்வாயம்பு⁴வோ மனுரதோ² ஜனஸர்க³ஶீலோ

த்³ருஷ்ட்வா மஹீமஸமயே ஸலிலே நிமக்³னாம்

ஸ்ரஷ்டாரமாப ஶரணம் ப⁴வத³ங்க்⁴ரிஸேவா-

துஷ்டாஶயம் முனிஜனை꞉ ஸஹ ஸத்யலோகே

கஷ்டம் ப்ரஜா꞉ ஸ்ருஜதி மய்யவனிர்னிமக்³னா

ஸ்தா²னம் ஸரோஜப⁴வ கல்பய தத்ப்ரஜானாம்

இத்யேவமேஷ கதி²தோ மனுனா ஸ்வயம்பூ⁴꞉

ரம்போ⁴ருஹாக்ஷ தவ பாத³யுக³ம் வ்யசிந்தீத்

ஹா ஹா விபோ⁴ ஜலமஹம் ந்யபிப³ம் புரஸ்தா-

த³த்³யாபி மஜ்ஜதி மஹீ கிமஹம் கரோமி

இத்த²ம் த்வத³ங்க்⁴ரியுக³லம் ஶரணம் யதோ(அ)ஸ்ய

நாஸாபுடாத்ஸமப⁴வ꞉ ஶிஶுகோலரூபீ

அங்கு³ஷ்ட²மாத்ரவபுருத்பதித꞉ புரஸ்தாத்

பூ⁴யோ(அ)த² கும்பி⁴ஸத்³ருஶ꞉ ஸமஜ்ரும்ப⁴தா²ஸ்த்வம்

அப்⁴ரே ததா²வித⁴முதீ³க்ஷ்ய ப⁴வந்தமுச்சை-

ர்விஸ்மேரதாம் விதி⁴ரகா³த்ஸஹ ஸூனுபி⁴꞉ ஸ்வை꞉

கோ(அ)ஸாவசிந்த்யமஹிமா கிடிருத்தி²தோ மே

நாஸாபுடாத்கிமு ப⁴வேத³ஜிதஸ்ய மாயா

இத்த²ம் விசிந்தயதி தா⁴தரி ஶைலமாத்ர꞉

ஸத்³யோ ப⁴வன்கில ஜக³ர்ஜித² கோ⁴ரகோ⁴ரம்

தம் தே நினாத³முபகர்ண்ய ஜனஸ்தப꞉ஸ்தா²꞉

ஸத்யஸ்தி²தாஶ்ச முனயோ நுனுவுர்ப⁴வந்தம்

தத்ஸ்தோத்ரஹர்ஷுலமனா꞉ பரிணத்³ய பூ⁴ய-

ஸ்தோயாஶயம் விபுலமூர்திரவாதரஸ்த்வம்

ஊர்த்⁴வப்ரஸாரிபரிதூ⁴ம்ரவிதூ⁴தரோமா

ப்ரோத்க்ஷிப்தவாலதி⁴ரவாங்முக²கோ⁴ரகோ⁴ண꞉

தூர்ணப்ரதீ³ர்ணஜலத³꞉ பரிகூ⁴ர்ணத³க்ஷ்ணா

ஸ்தோத்ரூன்முனீன் ஶிஶிரயன்னவதேரித² த்வம்

அந்தர்ஜலம் தத³னு ஸங்குலனக்ரசக்ரம்

ப்⁴ராம்யத்திமிங்கி³லகுலம் கலுஷோர்மிமாலம்

ஆவிஶ்ய பீ⁴ஷணரவேண ரஸாதலஸ்தா²-

நாகம்பயன்வஸுமதீமக³வேஷயஸ்த்வம்

த்³ருஷ்ட்வா(அ)த² தை³த்யஹதகேன ரஸாதலாந்தே

ஸம்வேஶிதாம் ஜ²டிதி கூடகிடிர்விபோ⁴ த்வம்

ஆபாதுகானவிக³ணய்ய ஸுராரிகே²டான்

த³ம்ஷ்ட்ராங்குரேண வஸுதா⁴மத³தா⁴꞉ ஸலீலம்

அப்⁴யுத்³த⁴ரன்னத² த⁴ராம் த³ஶனாக்³ரலக்³ன

முஸ்தாங்குராங்கித இவாதி⁴கபீவராத்மா

உத்³தூ⁴தகோ⁴ரஸலிலாஜ்ஜலதே⁴ருத³ஞ்சன்

க்ரீடா³வராஹவபுரீஶ்வர பாஹி ரோகா³த்

ஓம் தத் சத் இதி ஸ்ரீமன் நாராயணீயே

த்³வாத³ஶம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா

ஸ்ரீ கிருஷ்ணார்பணமஸ்து