Narayaneeyam-18-TA

ஸ்ரீமன் நாராயணீயம் – 18 ( அஷ்டாத³ஶம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் அஷ்டாத³ஶம் த³ஶகம்

ப்ருது²சரித வர்ணனம்

ஜாதஸ்ய த்⁴ருவகுல ஏவ துங்க³கீர்தே-

ரங்க³ஸ்ய வ்யஜனி ஸுத꞉ ஸ வேனநாமா

தத்³தோ³ஷவ்யதி²தமதி꞉ ஸ ராஜவர்ய-

ஸ்த்வத்பாதே³ விஹிதமனா வனம் க³தோ(அ)பூ⁴த்

பாபோ(அ)பி க்ஷிதிதலபாலனாய வேன꞉

பௌராத்³யைருபனிஹித꞉ கடோ²ரவீர்ய꞉

ஸர்வேப்⁴யோ நிஜப³லமேவ ஸம்ப்ரஶம்ஸன்

பூ⁴சக்ரே தவ யஜனான்யயம் ந்யரௌத்ஸீத்

ஸம்ப்ராப்தே ஹிதகத²னாய தாபஸௌகே⁴

மத்தோ(அ)ன்யோ பு⁴வனபதிர்ன கஶ்சனேதி

த்வன்னிந்தா³வசனபரோ முனீஶ்வரைஸ்தை꞉

ஶாபாக்³னௌ ஶலப⁴த³ஶாமனாயி வேன꞉

தன்னாஶாத்க²லஜனபீ⁴ருகைர்முனீந்த்³ரை-

ஸ்தன்மாத்ரா சிரபரிரக்ஷிதே தத³ங்கே³

த்யக்தாகே⁴ பரிமதி²தாத³தோ²ருத³ண்டா³-

த்³தோ³ர்த³ண்டே³ பரிமதி²தே த்வமாவிராஸீ꞉

விக்²யாத꞉ ப்ருது²ரிதி தாபஸோபதி³ஷ்டை꞉

ஸூதாத்³யை꞉ பரிணுதபா⁴விபூ⁴ரிவீர்ய꞉

வேனார்த்யா கப³லிதஸம்பத³ம் த⁴ரித்ரீ-

மாக்ராந்தாம் நிஜத⁴னுஷா ஸமாமகார்ஷீ꞉

பூ⁴யஸ்தாம் நிஜகுலமுக்²யவத்ஸயுக்தை-

ர்தே³வாத்³யை꞉ ஸமுசிதசாருபா⁴ஜனேஷு

அன்னாதீ³ன்யபி⁴லஷிதானி யானி தானி

ஸ்வச்ச²ந்த³ம் ஸுரபி⁴தனூமதூ³து³ஹஸ்த்வம்

ஆத்மானம் யஜதி மகை²ஸ்த்வயி த்ரிதா⁴ம-

ந்னாரப்³தே⁴ ஶததமவாஜிமேத⁴யாகே³

ஸ்பர்தா⁴லு꞉ ஶதமக² ஏத்ய நீசவேஷோ

ஹ்ருத்வா(அ)ஶ்வம் தவ தனயாத் பராஜிதோ(அ)பூ⁴த்

தே³வேந்த்³ரம் முஹுரிதி வாஜினம் ஹரந்தம்

வஹ்னௌ தம் முனிவரமண்ட³லே ஜுஹூஷௌ

ருந்தா⁴னே கமலப⁴வே க்ரதோ꞉ ஸமாப்தௌ

ஸாக்ஷாத்த்வம் மது⁴ரிபுமைக்ஷதா²꞉ ஸ்வயம் ஸ்வம்

தத்³த³த்தம் வரமுபலப்⁴ய ப⁴க்திமேகாம்

க³ங்கா³ந்தே விஹிதபத³꞉ கதா³பி தே³வ

ஸத்ரஸ்த²ம் முனினிவஹம் ஹிதானி ஶம்ஸ-

ந்னைக்ஷிஷ்டா²꞉ ஸனகமுகா²ன் முனீன் புரஸ்தாத்

விஜ்ஞானம் ஸனகமுகோ²தி³தம் த³தா⁴ன꞉

ஸ்வாத்மானம் ஸ்வயமக³மோ வனாந்தஸேவீ

தத்தாத்³ருக்ப்ருது²வபுரீஶ ஸத்வரம் மே

ரோகௌ³க⁴ம் ப்ரஶமய வாதகே³ஹவாஸின்

அத்த ஸ்ரீமன் நாராயணீயே

அஷ்டாத³ஶம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா

ஸ்ரீ கிருஷ்ணார்பணமஸ்து