Naarayaneeyam-33 (trayastriṃśaṃ dashakam )
Om Shri Krishnaaya Parabrahmane Namaha
Atha Sriman Naaraayaneeyam trayastriṃśaṃ Dashakam
ambarīṣōpākhyānam
vaivasvatākhyamanuputranabhāgajāta-
nābhāganāmakanarēndrasutō’mbarīṣaḥ
saptārṇavāvṛtamahīdayitō’pi rēmē
tvatsaṅgiṣu tvayi cha magnamanāssadaiva
tvatprītayē sakalamēva vitanvatō’sya
bhaktyaiva dēva nachirādabhṛthāḥ prasādam
yēnāsya yāchanamṛtē’pyabhirakṣaṇārthaṃ
chakraṃ bhavān pravitatāra sahasradhāram
sa dvādaśīvratamathō bhavadarchanārthaṃ
varṣaṃ dadhau madhuvanē yamunōpakaṇṭhē
patnyā samaṃ sumanasā mahatīṃ vitanvan
pūjāṃ dvijēṣu visṛjan paśuṣaṣṭikōṭim
tatrātha pāraṇadinē bhavadarchanāntē
durvāsasā’sya muninā bhavanaṃ prapēdē
bhōktuṃ vṛtaśchasa nṛpēṇa parārtiśīlō
mandaṃ jagāma yamunāṃ niyamānvidhāsyan
rājñā’tha pāraṇamuhūrtasamāptikhēdā-
dvāraiva pāraṇamakāri bhavatparēṇa
prāptō munistadatha divyadṛśā vijānan
kṣipyan krudhōddhṛtajaṭō vitatāna kṛtyām
kṛtyāṃ cha tāmasidharāṃ bhuvanaṃ dahantī-
magrē’bhivīkṣyanṛpatirna padāchchakampē
tvadbhaktabādhamabhivīkṣya sudarśanaṃ tē
kṛtyānalaṃ śalabhayan munimanvadhāvīt
dhāvannaśēṣabhuvanēṣu bhiyā sa paśyan
viśvatra chakramapi tē gatavān viriñcham
kaḥ kālachakramatilaṅghayatītyapāstaḥ
śarvaṃ yayau sa cha bhavantamavandataiva
bhūyō bhavannilayamētya muniṃ namantaṃ
prōchē bhavānahamṛṣē nanu bhaktadāsaḥ
jñānaṃ tapaścha vinayānvitamēva mānyaṃ
yāhyambarīṣapadamēva bhajēti bhūman
tāvatsamētya muninā sa gṛhītapādō
rājā’pasṛtya bhavadastramasāvanauṣīt
chakrē gatē muniradādakhilāśiṣō’smai
tvadbhaktimāgasi kṛtē’pi kṛpāṃ cha śaṃsan
rājā pratīkṣya munimēkasamāmanāśvān
sambhōjya sādhu tamṛṣiṃ visṛjan prasannam
bhuktvā svayaṃ tvayi tatō’pi dṛḍhaṃ ratō’bhū-
tsāyujyamāpa cha sa māṃ pavanēśa pāyāḥ
Om tatsadh ithi srimannaaraayaneeye
trayastriṃśaṃ dashakam samaaptham
Shri Haraye namaha Ramaa Ramana Govinda Govindaa
Sri Krishnaarpanamasthu
 |
Please leave your valuable suggestions and feedback here