Naarayaneeyam-34 (catustriṃśaṃ dashakam )
Om Shri Krishnaaya Parabrahmane Namaha
Atha Sriman Naaraayaneeyam catustriṃśaṃ Dashakam
śrīrāmacaritavarṇanam
gīrvāṇairarthyamānō daśamukhanidhanaṃ kōsalēṣvṛśyaśṛṅgē
putrīyāmiṣṭimiṣṭvā daduṣi daśarathakṣmābhṛtē pāyasāgryam
tadbhuktyā tatpurandhrīṣvapi tisṛṣu samaṃ jātagarbhāsu jātō
rāmastvaṃ lakṣmaṇēna svayamatha bharatēnāpi śatrughnanāmnā
kōdaṇḍī kauśikasya kratuvaramavituṃ lakṣmaṇēnānuyātō
yātō’bhūstātavāchā munikathitamanudvandvaśāntādhvakhēdaḥ
nṛṇāṃ trāṇāya bāṇairmunivachanabalāttāṭakāṃ pāṭayitvā
labdhvāsmādastrajālaṃ munivanamagamō dēva siddhāśramākhyam
mārīchaṃ drāvayitvā makhaśirasi śarairanyarakṣāṃsi nighnan
kalyāṃ kurvannahalyāṃ pathi padarajasā prāpya vaidēhagēham
bhindānaśchāndrachūḍaṃ dhanuravanisutāmindirāmēva labdhvā
rājyaṃ prātiṣṭhathāstvaṃ tribhirapi cha samaṃ bhrātṛvīraissadāraiḥ
ārundhānē ruṣāndhē bhṛgukula tilakē saṅkramayya svatējō
yātē yātō’syayōdhyāṃ sukhamiha nivasan kāntayā kāntamūrtē
śatrughnēnaikadāthō gatavati bharatē mātulasyādhivāsaṃ
tātārabdhō’bhiṣēkastava kila vihataḥ kēkayādhīśaputryā
tātōktyā yātukāmō vanamanujavadhūsaṃyutaśchāpadhāraḥ
paurānārudhya mārgē guhanilayagatastvaṃ jaṭāchīradhārī।
nāvā santīrya gaṅgāmadhipadavi punastaṃ bharadvājamārā-
nnatvā tadvākyahētōratisukhamavasaśchitrakūṭē girīndrē
śrutvā putrārtikhinnaṃ khalu bharatamukhāt svargayātaṃ svatātaṃ
taptō datvā’mbu tasmai nidadhitha bharatē pādukāṃ mēdinīṃ cha
atriṃ natvā’tha gatvā vanamativipulaṃ daṇḍakaṃ chaṇḍakāyaṃ
hatvā daityaṃ virādhaṃ sugatimakalayaśchāru bhōḥ śārabhaṅgīm
natvā’gastyaṃ samastāśaranikarasapatrākṛtiṃ tāpasēbhyaḥ
pratyaśrauṣīḥ priyaiṣī tadanu cha muninā vaiṣṇavē divyachāpē
brahmāstrē chāpi dattē pathi pitṛsuhṛdaṃ vīkṣya bhūyō jaṭāyuṃ
mōdāt gōdātaṭāntē pariramasi purā pañchavaṭyāṃ vadhūṭyā
prāptāyāḥ śūrpaṇakhyā madanachaladhṛtērarthanairnissahātmā
tāṃ saumitrau visṛjya prabalatamaruṣā tēna nirlūnanāsām
dṛṣṭvaināṃ ruṣṭachittaṃ kharamabhipatitaṃ dūṣaṇaṃ cha trimūrdhaṃ
vyāhiṃsīrāśarānapyayutasamadhikāṃstatkṣaṇādakṣatōṣmā
sōdaryāprōktavārtāvivaśadaśamukhādiṣṭamārīchamāyā-
sāraṅga sārasākṣyā spṛhitamanugataḥ prāvadhīrbāṇaghātam
tanmāyākrandaniryāpitabhavadanujāṃ rāvaṇastāmahārṣī-
ttēnārtō’pi tvamantaḥ kimapi mudamadhāstadvadhōpāyalābhāt
bhūyastanvīṃ vichinvannahṛta daśamukhastvadvadhūṃ madvadhēnē-
tyuktvā yātē jaṭāyau divamatha suhṛdaḥ prātanōḥ prētakāryam
gṛhṇānaṃ taṃ kabandhaṃ jaghanitha śabarīṃ prēkṣya pampātaṭē tvaṃ
samprāptō vātasūnuṃ bhṛśamuditamanāḥ pāhi vātālayēśa
Om tatsadh ithi srimannaaraayaneeye
catustriṃśaṃ dashakam samaaptham
Shri Haraye namaha Ramaa Ramana Govinda Govindaa
Sri Krishnaarpanamasthu
 |
Please leave your valuable suggestions and feedback here