Bhagavatham-1-1-EN

 

Shrimad Bhagavatham – 1 – 1 ( prathamaskandḥ prathamo’dhyāyaḥ )

 

 

   

Om namo bhagavate vāsudevāya

Kasturi tilakam lalata patale vakshasthale kaustubham

Nasagre varamauktikam karatale venum kare kankanam

Sarvange haricandanam sulalitham kantheca muktavali

Gopastree pariveshtitho vijayate gopala choodaamanih

Krishnam narayanam vande Krishnam vande vrajpriyam

Krishnam dwaipayanam vande Krishnam vande pruthasutham

atha śrīmadbhāgavate prathamaskandḥ prathamo’dhyāyaḥ

   Verse

 

1-1-1   

Janmādyasya yato’nvayāditarataścārtheṣvabhijñaḥ svarāṭ tene brahma hṛdā ya ādikavaye muhyanti yatsūrayaḥ

Tejovārimṛdāṁ yathā vinimayo yatra trisargo’mṛṣā dhāmnā svena sadā nirastakuhakaṁ satyaṁ paraṁ dhīmahi

1-1-1   Verse

 

1-1-2   

Dharmaḥ projjhitakaitavo’tra paramo nirmatsarāṇāṁ satāṁ vedyaṁ vāstavamatra vastu śivadaṁ tāpatrayonmūlanam

Śrīmadbhāgavate mahāmunikṛte kiṁ vā parairīśvaraḥ sadyo hṛdyavarudhyate’tra kṛtibhiḥ śuśrūṣubhistatkṣaṇāt

1-1-2   Verse

 

1-1-3   

Nigamakalpatarorgalitaṁ phalaṁ śukamukhādamṛtadravasaṁyutam

Pibata bhāgavataṁ rasamālayaṁ muhuraho rasikā bhuvi bhāvukāḥ

1-1-3   Verse

 

1-1-4   

Nāmiṣe’nimiṣakṣetre ṛṣayaḥ śaunakādayaḥ

Sattraṁ svargāya lokāya sahasrasamamāsata

1-1-4   Verse

 

1-1-5   

Ta ekadā tu munayaḥ prātarhutahutāgnayaḥ

Satkṛtaṁ sūtamāsīnaṁ papracchuridamādarāt

1-1-5   Verse

 

1-1-6   

Ṛṣaya ūcuḥ

Tvayā khalu purāṇāni setihāsāni cānagha

Ākhyātānyapyadhītāni dharmaśāstrāṇi yānyuta

1-1-6   Verse

 

1-1-7   

Yāni vedavidāṁ śreṣṭho bhagavānbādarāyaṇaḥ

Anye ca munayaḥ sūta parāvaravido viduḥ

1-1-7   Verse

 

1-1-8   

Vettha tvaṁ saumya tatsarvaṁ tattvatastadanugrahāt

Brūyuḥ snigdhasya śiṣyasya guravo guhyamapyuta

1-1-8   Verse

 

1-1-9   

Tatra tatrāñjasāyuṣmanbhavatā yadviniścitam

Puṁsāmekāntataḥ śreyastannaḥ śaṁsitumarhasi

1-1-9   Verse

 

1-1-10   

Prāyeṇālpāyuṣaḥ sabhya kalāvasminyuge janāḥ

Mandāḥ sumandamatayo mandabhāgyā hyupadrutāḥ

1-1-10   Verse

 

1-1-11   

Bhūrīṇi bhūrikarmāṇi śrotavyāni vibhāgaśaḥ

Ataḥ sādho’tra yatsāraṁ samuddhṛtya maniṣayā

Brūhi bhadrāya bhūtānāṁ yenātmā suprasīdati

1-1-11   Verse

 

1-1-12   

Sūta jānāsi bhadraṁ te bhagavānsātvatāṁ patiḥ

Devakyāṁ vasudevasya jāto yasya cikīrṣayā

1-1-12   Verse

 

1-1-13   

Tannaḥ śuśrūṣamāṇānāmarhasyaṅgānuvarṇitum

Yasyāvatāro bhūtānāṁ kṣemāya ca bhavāya ca

1-1-13   Verse

 

1-1-14   

Āpannaḥ saṁsṛtiṁ ghorāṁ yannāma vivaśo gṛṇan

Tataḥ sadyo vimucyeta yadbibheti svayaṁ bhayam

1-1-14   Verse

 

1-1-15   

Yatpādasaṁśrayāḥ sūta munayaḥ praśamāyanāḥ

Sadyaḥ punantyupaspṛṣṭāḥ svardhunyāpo’nusevayā

1-1-15   Verse

 

1-1-16   

Ko vā bhagavatastasya puṇyaślokeḍyakarmanaḥ

Śuddhikāmo na śṛṇuyādyaśaḥ kalimalāpaham

1-1-16   Verse

 

1-1-17   

Tasya karmāṇyudārāṇi parigītāni sūribhiḥ

Brūhi naḥ śraddadhānānāṁ līlayā dadhataḥ kalāḥ

1-1-17   Verse

 

1-1-18   

Athākhyāhi harerdhīmannavatārakathāḥ śubhāḥ

Līlā vidadhataḥ svairamīśvarasyātmamāyayā

1-1-18   Verse

 

1-1-19   

Vayaṁ tu na vitṛpyāma uttamaślokavikrame

Yāchṛṇvatāṁ rasajñānāṁ svādu svādu pade pade

1-1-19   Verse

 

1-1-20   

Kṛtavānkila karmāṇi saha rāmeṇa keśavaḥ

Atimartyāni bhagavāngūḍhaḥ kapaṭamānuṣaḥ

1-1-20   Verse

 

1-1-21   

Kalimāgatamājñāya kṣetre’sminvaiṣṇave vayam

Āsīnā dīrghasattreṇa kathāyāṁ sakṣaṇā hareḥ

1-1-21   Verse

 

1-1-22   

Tvaṁ naḥ sandarśito dhātrā dustaraṁ nistitīrṣatām

Kaliṁ sattvaharaṁ puṁsāṁ karṇadhāra ivārṇavam

1-1-22   Verse

 

1-1-23   

Brūhi yogeśvare kṛṣṇe brahmaṇye dharmavarmaṇi

Svāṁ kāṣṭhāmadhunopete dharmaḥ kaṁ śaraṇaṁ gataḥ

1-1-23   Verse

 

   

Iti śrīmadbhāgavate mahāpurāṇe pāramahaṃsyāṃ saṃhitāyāṃ prathamaskandhe prathamo’dhyāyaḥ

Hari Haraye Namaha Hari Haraye Namaha Hari Haraye Namaha

Gopika jeevana smaranam Govinda Govinda

Sadhguru Natha Maharaj Ki Jai

Hare Rama Hare Ramaa Rama Rama Hare Hare

Hare Krishna Hare Krishnaa Krishna Krishna Hare Hare

Om tat sat

   Verse

 

Verses 1-1-1 to 1-1-23
   

 

 

Please leave your valuable suggestions and feedback here