Narayaneeyam-TA

ஸ்ரீமன் நாராயணீயம் – 1 ( ப்ரத²மம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் ப்ரத²மம் த³ஶகம்

ப⁴க³வத் மஹிமா வர்ணனம்

ஸாந்த்³ரானந்தா³வபோ³தா⁴த்மகமனுபமிதம் காலதே³ஶாவதி⁴ப்⁴யாம்

நிர்முக்தம் நித்யமுக்தம் நிக³மஶதஸஹஸ்ரேண நிர்பா⁴ஸ்யமானம்

அஸ்பஷ்டம் த்³ருஷ்டமாத்ரே புனருருபுருஷார்தா²த்மகம் ப்³ரஹ்ம தத்த்வம்

தத்தாவத்³பா⁴தி ஸாக்ஷாத்³கு³ருபவனபுரே ஹந்த பா⁴க்³யம் ஜனானாம்

ஏவந்து³ர்லப்⁴யவஸ்துன்யபி ஸுலப⁴தயா ஹஸ்தலப்³தே⁴ யத³ன்யத்

தன்வா வாசா தி⁴யா வா ப⁴ஜதி ப³த ஜன꞉ க்ஷுத்³ரதைவ ஸ்பு²டேயம்

ஏதே தாவத்³வயம் து ஸ்தி²ரதரமனஸா விஶ்வபீடா³பஹத்யை

நிஶ்ஶேஷாத்மானமேனம் கு³ருபவனபுராதீ⁴ஶமேவாஶ்ரயாம꞉

ஸத்த்வம் யத்தத்புராப்⁴யாமபரிகலனதோ நிர்மலம் தேன தாவத்-

பூ⁴தைர்பூ⁴தேந்த்³ரியைஸ்தே வபுரிதி ப³ஹுஶ꞉ ஶ்ரூயதே வ்யாஸவாக்யம்

தத்ஸ்வச்ச²த்வாத்³யத³ச்சா²தி³தபரஸுக²சித்³க³ர்ப⁴னிர்பா⁴ஸரூபம்

தஸ்மின் த⁴ன்யா ரமந்தே ஶ்ருதிமதிமது⁴ரே ஸுக்³ரஹே விக்³ரஹே தே

நிஷ்கம்பே நித்யபூர்ணே நிரவதி⁴பரமானந்த³பீயூஷரூபே

நிர்லீனானேகமுக்தாவலிஸுப⁴க³தமே நிர்மலப்³ரஹ்மஸிந்தௌ⁴

கல்லோலோல்லாஸதுல்யம் க²லு விமலதரம் ஸத்த்வமாஹுஸ்ததா³த்மா

கஸ்மான்னோ நிஷ்கலஸ்த்வம் ஸகல இதி வசஸ்த்வத்கலாஸ்வேவ பூ⁴மன்

நிர்வ்யாபாரோ(அ)பி நிஷ்காரணமஜ ப⁴ஜஸே யத்க்ரியாமீக்ஷணாக்²யாம்

தேனைவோதே³தி லீனா ப்ரக்ருதிரஸதிகல்பா(அ)பி கல்பாதி³காலே

தஸ்யா꞉ ஸம்ஶுத்³த⁴மம்ஶம் கமபி தமதிரோதா⁴யகம் ஸத்த்வரூபம்

ஸ த்வம் த்⁴ருத்வா த³தா⁴ஸி ஸ்வமஹிமவிப⁴வாகுண்ட² வைகுண்ட² ரூபம்

தத்தே ப்ரத்யக்³ரதா⁴ராத⁴ரலலிதகலாயாவலீகேலிகாரம்

லாவண்யஸ்யைகஸாரம் ஸுக்ருதிஜனத்³ருஶாம் பூர்ணபுண்யாவதாரம்

லக்ஷ்மீனிஶ்ஶங்கலீலானிலயனமம்ருதஸ்யந்த³ஸந்தோ³ஹமந்த꞉

ஸிஞ்சத்ஸஞ்சிந்தகானாம் வபுரனுகலயே மாருதாகா³ரனாத²

கஷ்டா தே ஸ்ருஷ்டிசேஷ்டா ப³ஹுதரப⁴வகே²தா³வஹா ஜீவபா⁴ஜா-

மித்யேவம் பூர்வமாலோசிதமஜித மயா நைவமத்³யாபி⁴ஜானே

நோசேஜ்ஜீவா꞉ கத²ம் வா மது⁴ரதரமித³ம் த்வத்³வபுஶ்சித்³ரஸார்த்³ரம்

நேத்ரை꞉ ஶ்ரோத்ரைஶ்ச பீத்வா பரமரஸஸுதா⁴ம்போ⁴தி⁴பூரே ரமேரன்

நம்ராணாம் ஸன்னித⁴த்தே ஸததமபி புரஸ்தைரனப்⁴யர்தி²தான-

ப்யர்தா²ன் காமானஜஸ்ரம் விதரதி பரமானந்த³ஸாந்த்³ராம் க³திம் ச

இத்த²ம் நிஶ்ஶேஷலப்⁴யோ நிரவதி⁴கப²ல꞉ பாரிஜாதோ ஹரே த்வம்

க்ஷுத்³ரம் தம் ஶக்ரவாடீத்³ருமமபி⁴லஷதி வ்யர்த²மர்தி²வ்ரஜோ(அ)யம்

காருண்யாத்காமமன்யம் த³த³தி க²லு பரே ஸ்வாத்மத³ஸ்த்வம் விஶேஷா-

தை³ஶ்வர்யாதீ³ஶதே(அ)ன்யே ஜக³தி பரஜனே ஸ்வாத்மனோ(அ)பீஶ்வரஸ்த்வம்

த்வய்யுச்சைராரமந்தி ப்ரதிபத³மது⁴ரே சேதனா꞉ ஸ்பீ²தபா⁴க்³யா-

ஸ்த்வம் சாத்மாராம ஏவேத்யதுலகு³ணக³ணாதா⁴ர ஶௌரே நமஸ்தே

ஐஶ்வர்யம் ஶங்கராதீ³ஶ்வரவினியமனம் விஶ்வதேஜோஹராணாம்

தேஜஸ்ஸம்ஹாரி வீர்யம் விமலமபி யஶோ நிஸ்ப்ருஹைஶ்சோபகீ³தம்

அங்கா³ஸங்கா³ ஸதா³ ஶ்ரீரகி²லவித³ஸி ந க்வாபி தே ஸங்க³வார்தா

தத்³வாதாகா³ரவாஸின் முரஹர ப⁴க³வச்ச²ப்³த³முக்²யாஶ்ரயோ(அ)ஸி

ஓம் தத் சத் இதி ஸ்ரீமன் நாராயணீயே ப்ரத²மம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா ஸ்ரீ கிருஷ்ணார்பணமஸ்து

ஸ்ரீமன் நாராயணீயம் – 2 ( த்³விதீயம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் த்³விதீயம் த³ஶகம்

ப⁴க³வத் ரூப வர்ணனம்

ஸூர்யஸ்பர்தி⁴கிரீடமூர்த்⁴வதிலகப்ரோத்³பா⁴ஸிபா²லாந்தரம்

காருண்யாகுலனேத்ரமார்த்³ரஹஸிதோல்லாஸம் ஸுனாஸாபுடம்

க³ண்டோ³த்³யன்மகராப⁴குண்ட³லயுக³ம் கண்டோ²ஜ்ஜ்வலத்கௌஸ்துப⁴ம்

த்வத்³ரூபம் வனமால்யஹாரபடலஶ்ரீவத்ஸதீ³ப்ரம் ப⁴ஜே

கேயூராங்க³த³கங்கணோத்தமமஹாரத்னாங்கு³லீயாங்கித-

ஶ்ரீமத்³பா³ஹுசதுஷ்கஸங்க³தக³தா³ஶங்கா²ரிபங்கேருஹாம்

காஞ்சித்காஞ்சனகாஞ்சிலாஞ்சி²தலஸத்பீதாம்ப³ராலம்பி³னீ-

மாலம்பே³ விமலாம்பு³ஜத்³யுதிபதா³ம் மூர்திம் தவார்திச்சி²த³ம்

யத்த்ரைலோக்யமஹீயஸோ(அ)பி மஹிதம் ஸம்மோஹனம் மோஹனாத்

காந்தம் காந்தினிதா⁴னதோ(அ)பி மது⁴ரம் மாது⁴ர்யது⁴ர்யாத³பி

ஸௌந்த³ர்யோத்தரதோ(அ)பி ஸுந்த³ரதரம் த்வத்³ரூபமாஶ்சர்யதோ-

ப்யாஶ்சர்யம் பு⁴வனே ந கஸ்ய குதுகம் புஷ்ணாதி விஷ்ணோ விபோ⁴

தத்தாத்³ருங்மது⁴ராத்மகம் தவ வபு꞉ ஸம்ப்ராப்ய ஸம்பன்மயீ

ஸா தே³வீ பரமோத்ஸுகா சிரதரம் நா(அ)ஸ்தே ஸ்வப⁴க்தேஷ்வபி

தேனாஸ்யா ப³த கஷ்டமச்யுத விபோ⁴ த்வத்³ரூபமானோஜ்ஞக-

ப்ரேமஸ்தை²ர்யமயாத³சாபலப³லாச்சாபல்யவார்தோத³பூ⁴த்

லக்ஷ்மீஸ்தாவகராமணீயகஹ்ருதைவேயம் பரேஷ்வஸ்தி²ரே-

த்யஸ்மின்னந்யத³பி ப்ரமாணமது⁴னா வக்ஷ்யாமி லக்ஷ்மீபதே

யே த்வத்³த்⁴யானகு³ணானுகீர்தனரஸாஸக்தா ஹி ப⁴க்தா ஜனா-

ஸ்தேஷ்வேஷா வஸதி ஸ்தி²ரைவ த³யிதப்ரஸ்தாவத³த்தாத³ரா

ஏவம்பூ⁴தமனோஜ்ஞதானவஸுதா⁴னிஷ்யந்த³ஸந்தோ³ஹனம்

த்வத்³ரூபம் பரசித்³ரஸாயனமயம் சேதோஹரம் ஶ்ருண்வதாம்

ஸத்³ய꞉ ப்ரேரயதே மதிம் மத³யதே ரோமாஞ்சயத்யங்க³கம்

வ்யாஸிஞ்சத்யபி ஶீதபா³ஷ்பவிஸரைரானந்த³மூர்சோ²த்³ப⁴வை꞉

ஏவம்பூ⁴ததயா ஹி ப⁴க்த்யபி⁴ஹிதோ யோக³ஸ்ஸ யோக³த்³வயாத்

கர்மஜ்ஞானமயாத்³ப்⁴ருஶோத்தமதரோ யோகீ³ஶ்வரைர்கீ³யதே

ஸௌந்த³ர்யைகரஸாத்மகே த்வயி க²லு ப்ரேமப்ரகர்ஷாத்மிகா

ப⁴க்திர்னிஶ்ரமமேவ விஶ்வபுருஷைர்லப்⁴யா ரமாவல்லப⁴

நிஷ்காமம் நியதஸ்வத⁴ர்மசரணம் யத்கர்மயோகா³பி⁴த⁴ம்

தத்³தூ³ரேத்யப²லம் யதௌ³பனிஷத³ஜ்ஞானோபலப்⁴யம் புன꞉

தத்த்வவ்யக்ததயா ஸுது³ர்க³மதரம் சித்தஸ்ய தஸ்மாத்³விபோ⁴

த்வத்ப்ரேமாத்மகப⁴க்திரேவ ஸததம் ஸ்வாதீ³யஸீ ஶ்ரேயஸீ

அத்யாயாஸகராணி கர்மபடலான்யாசர்ய நிர்யன்மலா

போ³தே⁴ ப⁴க்திபதே²(அ)த²வாப்யுசிததாமாயாந்தி கிம் தாவதா

க்லிஷ்ட்வா தர்கபதே² பரம் தவ வபுர்ப்³ரஹ்மாக்²யமன்யே புன-

ஶ்சித்தார்த்³ரத்வம்ருதே விசிந்த்ய ப³ஹுபி⁴ஸ்ஸித்³த்⁴யந்தி ஜன்மாந்தரை꞉

த்வத்³ப⁴க்திஸ்து கதா²ரஸாம்ருதஜ²ரீனிர்மஜ்ஜனேன ஸ்வயம்

ஸித்³த்⁴யந்தீ விமலப்ரபோ³த⁴பத³வீமக்லேஶதஸ்தன்வதீ

ஸத்³யஸ்ஸித்³தி⁴கரீ ஜயத்யயி விபோ⁴ ஸைவாஸ்து மே த்வத்பத³-

ப்ரேமப்ரௌடி⁴ரஸார்த்³ரதா த்³ருததரம் வாதாலயாதீ⁴ஶ்வர

ஓம் தத் சத் இதி ஸ்ரீமன் நாராயணீயே த்³விதீயம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா ஸ்ரீ கிருஷ்ணார்பணமஸ்து

ஸ்ரீமன் நாராயணீயம் – 3 ( த்ருதீயம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் த்ருதீயம் த³ஶகம்

பக்த ஸ்வரூப வர்ணனம்

பக்தி ப்ரார்த்தனா ச

பட²ந்தோ நாமானி ப்ரமத³ப⁴ரஸிந்தௌ⁴ நிபதிதா꞉

ஸ்மரந்தோ ரூபம் தே வரத³ கத²யந்தோ கு³ணகதா²꞉

சரந்தோ யே ப⁴க்தாஸ்த்வயி க²லு ரமந்தே பரமமூ-

நஹம் த⁴ன்யான்மன்யே ஸமதி⁴க³தஸர்வாபி⁴லஷிதான்

க³த³க்லிஷ்டம் கஷ்டம் தவ சரணஸேவாரஸப⁴ரே(அ)-

ப்யனாஸக்தம் சித்தம் ப⁴வதி ப³த விஷ்ணோ குரு த³யாம்

ப⁴வத்பாதா³ம்போ⁴ஜஸ்மரணரஸிகோ நாமனிவஹா-

நஹம் கா³யம் கா³யம் குஹசன விவத்ஸ்யாமி விஜனே

க்ருபா தே ஜாதா சேத்கிமிவ ந ஹி லப்⁴யம் தனுப்⁴ருதாம்

மதீ³யக்லேஶௌக⁴ப்ரஶமனத³ஶா நாம கியதீ

ந கே கே லோகே(அ)ஸ்மின்னநிஶமயி ஶோகாபி⁴ரஹிதா

ப⁴வத்³ப⁴க்தா முக்தா꞉ ஸுக²க³திமஸக்தா வித³த⁴தே

முனிப்ரௌடா⁴ ரூடா⁴ ஜக³தி க²லு கூ³டா⁴த்மக³தயோ

ப⁴வத்பாதா³ம்போ⁴ஜஸ்மரணவிருஜோ நாரத³முகா²꞉

சரந்தீஶ ஸ்வைரம் ஸததபரினிர்பா⁴தபரசி-

த்ஸதா³னந்தா³த்³வைதப்ரஸரபரிமக்³னா꞉ கிமபரம்

ப⁴வத்³ப⁴க்தி꞉ ஸ்பீ²தா ப⁴வது மம ஸைவ ப்ரஶமயே-

த³ஶேஷக்லேஶௌக⁴ம் ந க²லு ஹ்ருதி³ ஸந்தே³ஹகணிகா

ந சேத்³வ்யாஸஸ்யோக்திஸ்தவ ச வசனம் நைக³மவசோ

ப⁴வேன்மித்²யா ரத்²யாபுருஷவசனப்ராயமகி²லம்

ப⁴வத்³ப⁴க்திஸ்தாவத்ப்ரமுக²மது⁴ரா த்வத்³கு³ணரஸாத்

கிமப்யாரூடா⁴ சேத³கி²லபரிதாபப்ரஶமனீ

புனஶ்சாந்தே ஸ்வாந்தே விமலபரிபோ³தோ⁴த³யமில-

ந்மஹானந்தா³த்³வைதம் தி³ஶதி கிமத꞉ ப்ரார்த்²யமபரம்

விதூ⁴ய க்லேஶான்மே குரு சரணயுக்³மம் த்⁴ருதரஸம்

ப⁴வத்க்ஷேத்ரப்ராப்தௌ கரமபி ச தே பூஜனவிதௌ⁴

ப⁴வன்மூர்த்யாலோகே நயனமத² தே பாத³துலஸீ-

பரிக்⁴ராணே க்⁴ராணம் ஶ்ரவணமபி தே சாருசரிதே

ப்ரபூ⁴தாதி⁴வ்யாதி⁴ப்ரஸப⁴சலிதே மாமகஹ்ருதி³

த்வதீ³யம் தத்³ரூபம் பரமஸுக²சித்³ரூபமுதி³யாத்

உத³ஞ்சத்³ரோமாஞ்சோ க³லிதப³ஹுஹர்ஷாஶ்ருனிவஹோ

யதா² விஸ்மர்யாஸம் து³ருபஶமபீடா³பரிப⁴வான்

மருத்³கே³ஹாதீ⁴ஶ த்வயி க²லு பராஞ்சோ(அ)பி ஸுகி²னோ

ப⁴வத்ஸ்னேஹீ ஸோ(அ)ஹம் ஸுப³ஹு பரிதப்யே ச கிமித³ம்

அகீர்திஸ்தே மா பூ⁴த்³வரத³ க³த³பா⁴ரம் ப்ரஶமயன்

ப⁴வத்³ப⁴க்தோத்தம்ஸம் ஜ²டிதி குரு மாம் கம்ஸத³மன

கிமுக்தைர்பூ⁴யோபி⁴ஸ்தவ ஹி கருணா யாவது³தி³யா-

த³ஹம் தாவத்³தே³வ ப்ரஹிதவிவிதா⁴ர்தப்ரலபித꞉

புர꞉ க்ல்ருப்தே பாதே³ வரத³ தவ நேஷ்யாமி தி³வஸா-

ந்யதா²ஶக்தி வ்யக்தம் நதினுதினிஷேவா விரசயன்

ஓம் தத் சத் இதி ஸ்ரீமன் நாராயணீயே த்ருதீயம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா ஸ்ரீ கிருஷ்ணார்பணமஸ்து

ஸ்ரீமன் நாராயணீயம் – 4 ( சதுர்த²ம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் சதுர்த²ம் த³ஶகம்

அஷ்டாங்க யோக³ வர்ணனம்

யோக³ஸித்³தி⁴ வர்ணனம் ச

கல்யதாம் மம குருஷ்வ தாவதீம் கல்யதே ப⁴வது³பாஸனம் யயா

ஸ்பஷ்டமஷ்டவித⁴யோக³சர்யயா புஷ்டயா(ஆ)ஶு தவ துஷ்டிமாப்னுயாம்

ப்³ரஹ்மசர்யத்³ருட⁴தாதி³பி⁴ர்யமைராப்லவாதி³னியமைஶ்ச பாவிதா꞉

குர்மஹே த்³ருட⁴மமீ ஸுகா²ஸனம் பங்கஜாத்³யமபி வா ப⁴வத்பரா꞉

தாரமந்தரனுசிந்த்ய ஸந்ததம் ப்ராணவாயுமபி⁴யம்ய நிர்மலா꞉

இந்த்³ரியாணி விஷயாத³தா²பஹ்ருத்யாஸ்மஹே ப⁴வது³பாஸனோன்முகா²꞉

அஸ்பு²டே வபுஷி தே ப்ரயத்னதோ தா⁴ரயேம தி⁴ஷணாம் முஹுர்முஹு꞉

தேன ப⁴க்திரஸமந்தரார்த்³ரதாமுத்³வஹேம ப⁴வத³ங்க்⁴ரிசிந்தகா꞉

விஸ்பு²டாவயவபே⁴த³ஸுந்த³ரம் த்வத்³வபு꞉ ஸுசிரஶீலனாவஶாத்

அஶ்ரமம் மனஸி சிந்தயாமஹே த்⁴யானயோக³னிரதாஸ்த்வதா³ஶ்ரயா꞉

த்⁴யாயதாம் ஸகலமூர்திமீத்³ருஶீமுன்மிஷன்மது⁴ரதாஹ்ருதாத்மனாம்

ஸாந்த்³ரமோத³ரஸரூபமாந்தரம் ப்³ரஹ்மரூபமயி தே(அ)வபா⁴ஸதே

தத்ஸமாஸ்வத³னரூபிணீம் ஸ்தி²திம் த்வத்ஸமாதி⁴மயி விஶ்வனாயக

ஆஶ்ரிதா꞉ புனரத꞉ பரிச்யுதாவாரபே⁴மஹி ச தா⁴ரணாதி⁴கம்

இத்த²மப்⁴யஸனநிர்ப⁴ரோல்லஸத்த்வத்பராத்மஸுக²கல்பிதோத்ஸவா꞉

முக்தப⁴க்தகுலமௌலிதாம் க³தா꞉ ஸஞ்சரேம ஶுகனாரதா³தி³வத்

த்வத்ஸமாதி⁴விஜயே து ய꞉ புனர்மங்க்ஷு மோக்ஷரஸிக꞉ க்ரமேண வா

யோக³வஶ்யமனிலம் ஷடா³ஶ்ரயைருன்னயத்யஜ ஸுஷும்னயா ஶனை꞉

லிங்க³தே³ஹமபி ஸந்த்யஜன்னதோ² லீயதே த்வயி பரே நிராக்³ரஹ꞉

ஊர்த்⁴வலோககுதுகீ து மூர்த⁴த꞉ ஸார்த⁴மேவ கரணைர்னிரீயதே

அக்³னிவாஸரவலர்க்ஷபக்ஷகை³ருத்தராயணஜுஷா ச தை³வதை꞉

ப்ராபிதோ ரவிபத³ம் ப⁴வத்பரோ மோத³வான் த்⁴ருவபதா³ந்தமீயதே

ஆஸ்தி²தோ(அ)த² மஹராலயே யதா³ ஶேஷவக்த்ரத³ஹனோஷ்மணார்த்³யதே

ஈயதே ப⁴வது³பாஶ்ரயஸ்ததா³ வேத⁴ஸ꞉ பத³மத꞉ புரைவ வா

தத்ர வா தவ பதே³(அ)த²வா வஸன் ப்ராக்ருதப்ரலய ஏதி முக்ததாம்

ஸ்வேச்ச²யா க²லு புரா(அ)பி முச்யதே ஸம்விபி⁴த்³ய ஜக³த³ண்ட³மோஜஸா

தஸ்ய ச க்ஷிதிபயோமஹோ(அ)னிலத்³யோமஹத்ப்ரக்ருதிஸப்தகாவ்ருதீ꞉

தத்ததா³த்மகதயா விஶன் ஸுகீ² யாதி தே பத³மனாவ்ருதம் விபோ⁴

அர்சிராதி³க³திமீத்³ருஶீம் வ்ரஜன் விச்யுதிம் ந ப⁴ஜதே ஜக³த்பதே

ஸச்சிதா³த்மக ப⁴வத்³கு³ணோத³யானுச்சரந்தமனிலேஶ பாஹி மாம்

ஓம் தத் சத் இதி ஸ்ரீமன் நாராயணீயே சதுர்த²ம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா

ஸ்ரீ கிருஷ்ணார்பணமஸ்து

ஸ்ரீமன் நாராயணீயம் – 5 ( பஞ்சமம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் பஞ்சமம் த³ஶகம்

விராட்புருஷோத்பத்தி ப்ரகார வர்ணனம்

வ்யக்தாவ்யக்தமித³ம் ந கிஞ்சித³ப⁴வத்ப்ராக்ப்ராக்ருதப்ரக்ஷயே

மாயாயாம் கு³ணஸாம்யருத்³த⁴விக்ருதௌ த்வய்யாக³தாயாம் லயம்

நோ ம்ருத்யுஶ்ச ததா³ம்ருதம் ச ஸமபூ⁴ன்னாஹ்னோ ந ராத்ரே꞉ ஸ்தி²தி-

ஸ்தத்ரைகஸ்த்வமஶிஷ்யதா²꞉ கில பரானந்த³ப்ரகாஶாத்மனா

கால꞉ கர்ம கு³ணாஶ்ச ஜீவனிவஹா விஶ்வம் ச கார்யம் விபோ⁴

சில்லீலாரதிமேயுஷி த்வயி ததா³ நிர்லீனதாமாயயு꞉

தேஷாம் நைவ வத³ந்த்யஸத்வமயி போ⁴꞉ ஶக்த்யாத்மனா திஷ்டதாம்

நோ சேத் கிம் க³க³னப்ரஸூனஸத்³ருஶாம் பூ⁴யோ ப⁴வேத்ஸம்ப⁴வ꞉

ஏவம் ச த்³விபரார்த⁴காலவிக³தாவீக்ஷாம் ஸிஸ்ருக்ஷாத்மிகாம்

பி³ப்⁴ராணே த்வயி சுக்ஷுபே⁴ த்ரிபு⁴வனீபா⁴வாய மாயா ஸ்வயம்

மாயாத꞉ க²லு காலஶக்திரகி²லாத்³ருஷ்டம் ஸ்வபா⁴வோ(அ)பி ச

ப்ராது³ர்பூ⁴ய கு³ணான்விகாஸ்ய வித³து⁴ஸ்தஸ்யாஸ்ஸஹாயக்ரியாம்

மாயாஸன்னிஹிதோ(அ)ப்ரவிஷ்டவபுஷா ஸாக்ஷீதி கீ³தோ ப⁴வான்

பே⁴தை³ஸ்தாம் ப்ரதிபி³ம்ப³தோ விவிஶிவான் ஜீவோ(அ)பி நைவாபர꞉

காலாதி³ப்ரதிபோ³தி⁴தா(அ)த² ப⁴வதா ஸஞ்சோதி³தா ச ஸ்வயம்

மாயா ஸா க²லு பு³த்³தி⁴தத்த்வமஸ்ருஜத்³யோ(அ)ஸௌ மஹானுச்யதே

தத்ராஸௌ த்ரிகு³ணாத்மகோ(அ)பி ச மஹான் ஸத்த்வப்ரதா⁴ன꞉ ஸ்வயம்

ஜீவே(அ)ஸ்மின் க²லு நிர்விகல்பமஹமித்யுத்³போ³த⁴னிஷ்பாத³க꞉

சக்ரே(அ)ஸ்மின் ஸவிகல்பபோ³த⁴கமஹந்தத்த்வம் மஹான் க²ல்வஸௌ

ஸம்புஷ்டம் த்ரிகு³ணைஸ்தமோ(அ)திப³ஹுலம் விஷ்ணோ ப⁴வத்ப்ரேரணாத்

ஸோ(அ)ஹம் ச த்ரிகு³ணக்ரமாத்த்ரிவித⁴தாமாஸாத்³ய வைகாரிகோ

பூ⁴யஸ்தைஜஸதாமஸாவிதி ப⁴வன்னாத்³யேன ஸத்த்வாத்மனா

தே³வானிந்த்³ரியமானினோ(அ)க்ருத தி³ஶாவாதார்கபாஶ்யஶ்வினோ

வஹ்னீந்த்³ராச்யுதமித்ரகான் விது⁴விதி⁴ஶ்ரீருத்³ரஶாரீரகான்

பூ⁴மன்மானஸபு³த்³த்⁴யஹங்க்ருதிமிலச்சித்தாக்²யவ்ருத்யன்விதம்

தச்சாந்த꞉கரணம் விபோ⁴ தவ ப³லாத்ஸத்த்வாம்ஶ ஏவாஸ்ருஜத்

ஜாதஸ்தைஜஸதோ த³ஶேந்த்³ரியக³ணஸ்தத்தாமஸாம்ஶாத்புன-

ஸ்தன்மாத்ரம் நப⁴ஸோ மருத்புரபதே ஶப்³தோ³(அ)ஜனி த்வத்³ப³லாத்

ஶப்³தா³த்³வ்யோம தத꞉ ஸஸர்ஜித² விபோ⁴ ஸ்பர்ஶம் ததோ மாருதம்

தஸ்மாத்³ரூபமதோ மஹோ(அ)த² ச ரஸம் தோயம் ச க³ந்த⁴ம் மஹீம்

ஏவம் மாத⁴வ பூர்வபூர்வகலனாதா³த்³யாத்³யத⁴ர்மான்விதம்

பூ⁴தக்³ராமமிமம் த்வமேவ ப⁴க³வன் ப்ராகாஶயஸ்தாமஸாத்

ஏதே பூ⁴தக³ணாஸ்ததே²ந்த்³ரியக³ணா தே³வாஶ்ச ஜாதா ப்ருத²ங்-

நோ ஶேகுர்பு⁴வனாண்ட³னிர்மிதிவிதௌ⁴ தே³வைரமீபி⁴ஸ்ததா³

த்வம் நானாவித⁴ஸூக்திபி⁴ர்னுதகு³ணஸ்தத்த்வான்யமூன்யாவிஶம்-

ஶ்சேஷ்டாஶக்திமுதீ³ர்ய தானி க⁴டயன் ஹைரண்யமண்ட³ம் வ்யதா⁴꞉

அண்ட³ம் தத்க²லு பூர்வஸ்ருஷ்டஸலிலே(அ)திஷ்ட²த்ஸஹஸ்ரம் ஸமா꞉

நிர்பி⁴ந்த³ன்னக்ருதா²ஶ்சதுர்த³ஶஜக³த்³ரூபம் விராடா³ஹ்வயம்

ஸாஹஸ்ரை꞉ கரபாத³மூர்த⁴னிவஹைர்னிஶ்ஶேஷஜீவாத்மகோ

நிர்பா⁴தோ(அ)ஸி மருத்புராதி⁴ப ஸ மாம் த்ராயஸ்வ ஸர்வாமயாத்

ஓம் தத் சத் இதி ஸ்ரீமன் நாராயணீயே பஞ்சமம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா

ஸ்ரீ கிருஷ்ணார்பணமஸ்து

ஸ்ரீமன் நாராயணீயம் – 6 ( ஷஷ்ட²ம் த³ஶகம் )

ஓம் ஸ்ரீ கிருஷ்ணாய பரப்ரஹ்மணே நமஹ

அத்த ஸ்ரீமன் நாராயணீயம் ஷஷ்ட²ம் த³ஶகம்

விராட் தேஹஸ்ய ஜெகதாத்மத்வ வர்ணனம்

ஏவம் சதுர்த³ஶஜக³ன்மயதாம் க³தஸ்ய

பாதாலமீஶ தவ பாத³தலம் வத³ந்தி

பாதோ³ர்த்⁴வதே³ஶமபி தே³வ ரஸாதலம் தே

கு³ல்ப²த்³வயம் க²லு மஹாதலமத்³பு⁴தாத்மன்

ஜங்கே⁴ தலாதலமதோ² ஸுதலம் ச ஜானூ

கிஞ்சோருபா⁴க³யுக³லம் விதலாதலே த்³வே

க்ஷோணீதலம் ஜக⁴னமம்ப³ரமங்க³ நாபி⁴

ர்வக்ஷஶ்ச ஶக்ரனிலயஸ்தவ சக்ரபாணே

க்³ரீவா மஹஸ்தவ முக²ம் ச ஜனஸ்தபஸ்து

பா²லம் ஶிரஸ்தவ ஸமஸ்தமயஸ்ய ஸத்யம்

ஏவம் ஜக³ன்மயதனோ ஜக³தா³ஶ்ரிதைர-

ப்யன்யைர்னிப³த்³த⁴வபுஷே ப⁴க³வன்னமஸ்தே

த்வத்³ப்³ரஹ்மரந்த்⁴ரபத³மீஶ்வர விஶ்வகந்த³

ச²ந்தா³ம்ஸி கேஶவ க⁴னாஸ்தவ கேஶபாஶா꞉

உல்லாஸிசில்லியுக³லம் த்³ருஹிணஸ்ய கே³ஹம்

பக்ஷ்மாணி ராத்ரிதி³வஸௌ ஸவிதா ச நேத்ரே

நிஶ்ஶேஷவிஶ்வரசனா ச கடாக்ஷமோக்ஷ꞉

கர்ணௌ தி³ஶோ(அ)ஶ்வியுக³லம் தவ நாஸிகே த்³வே

லோப⁴த்ரபே ச ப⁴க³வன்னத⁴ரோத்தரோஷ்டௌ²

தாராக³ணாஶ்ச த³ஶனா꞉ ஶமனஶ்ச த³ம்ஷ்ட்ரா

மாயா விலாஸஹஸிதம் ஶ்வஸிதம் ஸமீரோ

ஜிஹ்வா ஜலம் வசனமீஶ ஶகுந்தபங்க்தி꞉

ஸித்³தா⁴த³ய꞉ ஸ்வரக³ணா முக²ரந்த்⁴ரமக்³னி-

ர்தே³வா பு⁴ஜா꞉ ஸ்தனயுக³ம் தவ த⁴ர்மதே³வ꞉

ப்ருஷ்ட²ம் த்வத⁴ர்ம இஹ தே³வ மன꞉ ஸுதா⁴ம்ஶு-

ரவ்யக்தமேவ ஹ்ருத³யாம்பு³ஜமம்பு³ஜாக்ஷ

குக்ஷி꞉ ஸமுத்³ரனிவஹா வஸனம் து ஸந்த்⁴யே

ஶேப²꞉ ப்ரஜாபதிரஸௌ வ்ருஷணௌ ச மித்ர꞉

ஶ்ரோணீஸ்த²லம் ம்ருக³க³ணா꞉ பத³யோர்னகா²ஸ்தே

ஹஸ்த்யுஷ்ட்ரஸைந்த⁴வமுகா² க³மனம் து கால꞉

விப்ராதி³வர்ணப⁴வனம் வத³னாப்³ஜபா³ஹு-

சாரூருயுக்³மசரணம் கருணாம்பு³தே⁴ தே

ஸம்ஸாரசக்ரமயி சக்ரத⁴ர க்ரியாஸ்தே

வீர்யம் மஹாஸுரக³ணோ(அ)ஸ்தி²குலானி ஶைலா꞉

நாட்³யஸ்ஸரித்ஸமுத³யஸ்தரவஶ்ச ரோம

ஜீயாதி³த³ம் வபுரனிர்வசனீயமீஶ

ஈத்³ருக்³ஜக³ன்மயவபுஸ்தவ கர்மபா⁴ஜாம்

கர்மாவஸானஸமயே ஸ்மரணீயமாஹு꞉

தஸ்யாந்தராத்மவபுஷே விமலாத்மனே தே

வாதாலயாதி⁴ப நமோ(அ)ஸ்து நிருந்தி⁴ ரோகா³ன்

ஓம் தத் சத் இதி ஸ்ரீமன் நாராயணீயே ஷஷ்ட²ம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா ஸ்ரீ கிருஷ்ணார்பணமஸ்து

ஸ்ரீமன் நாராயணீயம் – 7 ( ஸப்தமம் த³ஶகம் )

அத்த ஸ்ரீமன் நாராயணீயம் ஸப்தமம் த³ஶகம்

ஹிரண்யகர்போத்பத்தி வர்ணனம்

ஹிரண்யகர்ப தபஶ்சரண வர்ணனம்

வைகுண்ட₂ஸ்வரூப வர்ணனம்

பகவத்ஸ்வரூப ஸாக்ஷாத்கார வர்ணனம்

பகவத் அநுக்ரஹ வர்ணனம் ச

ஏவம் தே³வ சதுர்த³ஶாத்மகஜக³த்³ரூபேண ஜாத꞉ புன-

ஸ்தஸ்யோர்த்⁴வம் க²லு ஸத்யலோகனிலயே ஜாதோ(அ)ஸி தா⁴தா ஸ்வயம்

யம் ஶம்ஸந்தி ஹிரண்யக³ர்ப⁴மகி²லத்ரைலோக்யஜீவாத்மகம்

யோ(அ)பூ⁴த் ஸ்பீ²தரஜோவிகாரவிகஸன்னானாஸிஸ்ருக்ஷாரஸ꞉

ஸோ(அ)யம் விஶ்வவிஸர்க³த³த்தஹ்ருத³ய꞉ ஸம்பஶ்யமான꞉ ஸ்வயம்

போ³த⁴ம் க²ல்வனவாப்ய விஶ்வவிஷயம் சிந்தாகுலஸ்தஸ்தி²வான்

தாவத்த்வம் ஜக³தாம்பதே தப தபேத்யேவம் ஹி வைஹாயஸீம்

வாணீமேனமஶிஶ்ரவ꞉ ஶ்ருதிஸுகா²ம் குர்வம்ஸ்தப꞉ப்ரேரணாம்

கோ(அ)ஸௌ மாமவத³த்புமானிதி ஜலாபூர்ணே ஜக³ன்மண்ட³லே

தி³க்ஷூத்³வீக்ஷ்ய கிமப்யனீக்ஷிதவதா வாக்யார்த²முத்பஶ்யதா

தி³வ்யம் வர்ஷஸஹஸ்ரமாத்ததபஸா தேன த்வமாராதி⁴த-

ஸ்தஸ்மை த³ர்ஶிதவானஸி ஸ்வனிலயம் வைகுண்ட²மேகாத்³பு⁴தம்

மாயா யத்ர கதா³பி நோ விகுருதே பா⁴தே ஜக³த்³ப்⁴யோ ப³ஹி-

ஶ்ஶோகக்ரோத⁴விமோஹஸாத்⁴வஸமுகா² பா⁴வாஸ்து தூ³ரம் க³தா꞉

ஸாந்த்³ரானந்த³ஜ²ரீ ச யத்ர பரமஜ்யோதி꞉ப்ரகாஶாத்மகே

தத்தே தா⁴ம விபா⁴விதம் விஜயதே வைகுண்ட²ரூபம் விபோ⁴

யஸ்மின்னாம சதுர்பு⁴ஜா ஹரிமணிஶ்யாமாவதா³தத்விஷோ

நானாபூ⁴ஷணரத்னதீ³பிததி³ஶோ ராஜத்³விமானாலயா꞉

ப⁴க்திப்ராப்தததா²விதோ⁴ன்னதபதா³ தீ³வ்யந்தி தி³வ்யா ஜனா-

ஸ்தத்தே தா⁴ம நிரஸ்தஸர்வஶமலம் வைகுண்ட²ரூபம் ஜயேத்

நானாதி³வ்யவதூ⁴ஜனைரபி⁴வ்ருதா வித்³யுல்லதாதுல்யயா

விஶ்வோன்மாத³னஹ்ருத்³யகா³த்ரலதயா வித்³யோதிதாஶாந்தரா

த்வத்பாதா³ம்பு³ஜஸௌரபை⁴ககுதுகால்லக்ஷ்மீ꞉ ஸ்வயம் லக்ஷ்யதே

யஸ்மின் விஸ்மயனீயதி³வ்யவிப⁴வம் தத்தே பத³ம் தே³ஹி மே

தத்ரைவம் ப்ரதித³ர்ஶிதே நிஜபதே³ ரத்னாஸனாத்⁴யாஸிதம்

பா⁴ஸ்வத்கோடிலஸத்கிரீடகடகாத்³யாகல்பதீ³ப்ராக்ருதி

ஶ்ரீவத்ஸாங்கிதமாத்தகௌஸ்துப⁴மணிச்சா²யாருணம் காரணம்

விஶ்வேஷாம் தவ ரூபமைக்ஷத விதி⁴ஸ்தத்தே விபோ⁴ பா⁴து மே

காலாம்போ⁴த³கலாயகோமலருசீசக்ரேண சக்ரம் தி³ஶா-

மாவ்ருண்வானமுதா³ரமந்த³ஹஸிதஸ்யந்த³ப்ரஸன்னானநம்

ராஜத்கம்பு³க³தா³ரிபங்கஜத⁴ரஶ்ரீமத்³பு⁴ஜாமண்ட³லம்

ஸ்ரஷ்டுஸ்துஷ்டிகரம் வபுஸ்தவ விபோ⁴ மத்³ரோக³முத்³வாஸயேத்

த்³ருஷ்ட்வா ஸம்ப்⁴ருதஸம்ப்⁴ரம꞉ கமலபூ⁴ஸ்த்வத்பாத³பாதோ²ருஹே

ஹர்ஷாவேஶவஶம்வதோ³ நிபதித꞉ ப்ரீத்யா க்ருதார்தீ²ப⁴வன்

ஜானாஸ்யேவ மனீஷிதம் மம விபோ⁴ ஜ்ஞானம் ததா³பாத³ய

த்³வைதாத்³வைதப⁴வத்ஸ்வரூபபரமித்யாசஷ்ட தம் த்வாம் ப⁴ஜே

ஆதாம்ரே சரணே வினம்ரமத² தம் ஹஸ்தேன ஹஸ்தே ஸ்ப்ருஶன்

போ³த⁴ஸ்தே ப⁴விதா ந ஸர்க³விதி⁴பி³ர்ப³ந்தோ⁴(அ)பி ஸஞ்ஜாயதே

இத்யாபா⁴ஷ்ய கி³ரம் ப்ரதோஷ்ய நிதராம் தச்சித்தகூ³ட⁴꞉ ஸ்வயம்

ஸ்ருஷ்டௌ தம் ஸமுதை³ரய꞉ ஸ ப⁴க³வன்னுல்லாஸயோல்லாக⁴தாம்

ஓம் தத் சத் இதி ஸ்ரீமன் நாராயணீயே ஸப்தமம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா ஸ்ரீ கிருஷ்ணார்பணமஸ்து

ஸ்ரீமன் நாராயணீயம் – 8 ( அஷ்டமம் த³ஶகம் )

அத்த ஸ்ரீமன் நாராயணீயம் அஷ்டமம் த³ஶகம்

ப்ரலய வர்ணனம்

ஜக₃த்ஸ்ரு’ஷ்டிப்ரகார வர்ணனம் ச

ஏவம் தாவத்ப்ராக்ருதப்ரக்ஷயாந்தே

ப்³ராஹ்மே கல்பே ஹ்யாதி³மே லப்³த⁴ஜன்மா

ப்³ரஹ்மா பூ⁴யஸ்த்வத்த ஏவாப்ய வேதா³ன்

ஸ்ருஷ்டிம் சக்ரே பூர்வகல்போபமானாம்

ஸோ(அ)யம் சதுர்யுக³ஸஹஸ்ரமிதான்யஹானி

தாவன்மிதாஶ்ச ரஜனீர்ப³ஹுஶோ நினாய

நித்³ராத்யஸௌ த்வயி நிலீய ஸமம் ஸ்வஸ்ருஷ்டை-

ர்னைமித்திகப்ரலயமாஹுரதோ(அ)ஸ்ய ராத்ரிம்

அஸ்மாத்³ருஶாம் புனரஹர்முக²க்ருத்யதுல்யாம்

ஸ்ருஷ்டிம் கரோத்யனுதி³னம் ஸ ப⁴வத்ப்ரஸாதா³த்

ப்ராக்³ப்³ரஹ்மகல்பஜனுஷாம் ச பராயுஷாம் து

ஸுப்தப்ரபோ³த⁴னஸமா(அ)ஸ்தி ததா³(அ)பி ஸ்ருஷ்டி꞉

பஞ்சாஶத³ப்³த³மது⁴னா ஸ்வவயோ(அ)ர்த⁴ரூப-

மேகம் பரார்த⁴மதிவ்ருத்ய ஹி வர்ததே(அ)ஸௌ

தத்ராந்த்யராத்ரிஜனிதான்கத²யாமி பூ⁴மன்

பஶ்சாத்³தி³னாவதரணே ச ப⁴வத்³விலாஸான்

தி³னாவஸானே(அ)த² ஸரோஜயோனி꞉

ஸுஷுப்திகாமஸ்த்வயி ஸன்னிலில்யே

ஜக³ந்தி ச த்வஜ்ஜட²ரம் ஸமீயு-

ஸ்ததே³த³மேகார்ணவமாஸ விஶ்வம்

தவைவ வேஷே ப²ணிராஜி ஶேஷே

ஜலைகஶேஷே பு⁴வனே ஸ்ம ஶேஷே

ஆனந்த³ஸாந்த்³ரானுப⁴வஸ்வரூப꞉

ஸ்வயோக³னித்³ராபரிமுத்³ரிதாத்மா

காலாக்²யஶக்திம் ப்ரலயாவஸானே

ப்ரபோ³த⁴யேத்யாதி³ஶதா கிலாதௌ³

த்வயா ப்ரஸுப்தம் பரிஸுப்தஶக்தி-

வ்ரஜேன தத்ராகி²லஜீவதா⁴ம்னா

சதுர்யுகா³ணாம் ச ஸஹஸ்ரமேவம்

த்வயி ப்ரஸுப்தே புனரத்³விதீயே

காலாக்²யஶக்தி꞉ ப்ரத²மப்ரபு³த்³தா⁴

ப்ராபோ³த⁴யத்த்வாம் கில விஶ்வனாத²

விபு³த்⁴ய ச த்வம் ஜலக³ர்ப⁴ஶாயின்

விலோக்ய லோகானகி²லான்ப்ரலீனான்

தேஷ்வேவ ஸூக்ஷ்மாத்மதயா நிஜாந்த꞉-

ஸ்தி²தேஷு விஶ்வேஷு த³தா³த² த்³ருஷ்டிம்

ததஸ்த்வதீ³யாத³யி நாபி⁴ரந்த்⁴ரா-

து³த³ஞ்சிதம் கிஞ்சன தி³வ்யபத்³மம்

நிலீனநிஶ்ஶேஷபதா³ர்த²மாலா-

ஸங்க்ஷேபரூபம் முகுலாயமானம்

ததே³தத³ம்போ⁴ருஹகுட்³மலம் தே

கலேப³ராத்தோயபதே² ப்ரரூட⁴ம்

ப³ஹிர்னிரீதம் பரித꞉ ஸ்பு²ரத்³பி⁴꞉

ஸ்வதா⁴மபி⁴ர்த்⁴வாந்தமலம் ந்யக்ருந்தத்

ஸம்பு²ல்லபத்ரே நிதராம் விசித்ரே

தஸ்மின்ப⁴வத்³வீர்யத்⁴ருதே ஸரோஜே

ஸ பத்³மஜன்மா விதி⁴ராவிராஸீத்

ஸ்வயம்ப்ரபு³த்³தா⁴கி²லவேத³ராஶி꞉

அஸ்மின்பராத்மன் நனு பாத்³மகல்பே

த்வமித்த²முத்தா²பிதபத்³மயோனி꞉

அனந்தபூ⁴மா மம ரோக³ராஶிம்

நிருந்தி⁴ வாதாலயவாஸ விஷ்ணோ

ஓம் தத் சத் இதி ஸ்ரீமன் நாராயணீயே அஷ்டமம் த³ஶகம் ஸமாப்தம்

ஸ்ரீ ஹரயே நமஹ ரமா ரமண கோவிந்த கோவிந்தா ஸர்வம் ஸ்ரீ கிருஷ்ணார்பணமஸ்து